صرف وصحى قصيدة للشاعر محمود سعد مكاوى

ضلمة وعتمة. وسط زحام بيمر ساعات
لكن المرة فكر واحد فى الخطوات
علق لمبة. ساب الخطوة تجيب التانية
دور كل السقف حروف ألامونيا
يمكن ينفع
عدى التانى طالعة شمس جديدة عليه
كل مايمشى يفهم حاجة ناقصة هناك
ممكن فكرة تخليه يفتح يوم شباك
بس الناس لساها شوية
فات الوقت. كتر العد على الخطوات
ناس فوق عايشة وناس محسوبة من الأموات
هيا اللحظة أصبح من أنفاق المارة
حتى البايع فارش حلمه وهيا المرة
أيوه يا ست وأيوه يا بيه
أرخص ولاعة وبجنيه
والساعة الأرقام الكاسيو
والناس اللى اتخمت نسيو
والمية اللى بترشح وقتي
خلت بردو السكان نسيو
شكل السقف دا يشبه إيه
حتى اللحظة السودا اياها
قرر يسأل واحد منهم
إيه القصة. مية بترشح ع الجدران
سقف وقبوه قبر تمام
ريحة زبالة وناس ميالة
تفضل واخدة على الغثيان
حضر الحاكم جاى فى وقته
عرف القصة ورد فخامته
يا بهايم دا الصرف الصحى
وماسورة للصرف الصحى
والمشروع كان صرف وصحى
بس المشروع دا مجاش وقته
بعد ما عرف القصة فخامته