أمل جمال النيلى تكتب: انسى الحب وعش أيامك

أوعى تفكر إنى عشقتك
وعشان حبك أقبل أموت
أصل الحب ساعات بعيش
وساعات تانية يكون ملعون
يجرح قلبك
تبقى وحيد
عايش وسط الناس فى التوه
مش فارق وياك غير قلبه
مستنى وخايف لا يطول
بعده عنك وتبقى وحيد
مستنى يحن بنظرة
تطفى الشوق
تشفى جروح
أصل الحب يا ناس ملعون
مسحور إلا يقرب منه
صدر الحكم عليه بالتوه
طول العمر ما يعرف دار
عيونه وقلبه
هى الدار
وين ما يروح
دار معه
بس ياريت يبطل فرقه
كفاية بعاد
كفاية فراق
فين اللهفة
وله لهيب الشوق انطفى
كان زمان بالشوق نتلاقى
ويقول الساحر أحلى كلام
أصل الحب يا ناس ملعون
مسحور إلا يقرب منه
حصن قلبك
وأبقى وحيد
ابنى جسور
حجر قلبك
اخفى دموعك
انسى همومك
حمل جبال غيرك ما يهم
أنسى الحب
وعش أيامك
أحسن ينتهى حالك
مجنون.. متهور
تايه.. مسحور
سحرك خمر عيونه
لا وطن.. ولا اسم
ما يهمك غير نظرة
تروى الشوق
وسط التوه
أصل يا ناس تهت سنين
عايش محروم
حرو حبه
حرم قلبه
يعرف شوق
خايف لا يحن
ويجرى على يقولى بحبك
أخذه فى حضني
وأنسى الهم
أنسى الوحدة
والآهات
أصل الحب يا ناس ملعون
تقدر تبعد
وتحفظ قلبك
تقدر.. تقدر؟