بالصور.. الـ"Candy table".. أحدث تقاليع حفلات الأفراح.. توضع فى مدخل القاعة إلى جوار الـ"guest book".. وتحتوى على كل أنواع الحلوى الصغيرة من "المارشيميلو" و"الكوكيز" و"البمبونى"

الـ"Candy table".. تقليعة جديدة بدأت فى الظهور فى حفلات الأفراح، وهى عبارة عن طاولة مليئة بمختلف أنواع الحلوى الصغيرة، توضع فى الغالب فى مدخل القاعة أو فى أحد الأركان وتكون مفتوحة أمام الحضور للاستمتاع بتذوقها طوال الحفل بخلاف الأطعمة والحلوى التى تقدم خلال فترة فتح "البوفية".

وتشير "بهيرة جلال" مصممة الشكولاتة إلى أهم محتويات الـ"Candy table" قائلة لليوم السابع: "الـ"Candy table" موضة أخذناها من حفلات الزفاف برة مصر وبتكون موجودة فى الغالب فى مدخل القاعة بجانب (الجيست بوك) اللى بيكتب فيه الحضور إهداء للعروسة والعريس، وبدأت تنتشر فى مصر فى حفلات الزفاف والسبوع والحنة وبتضم حلويات صغيرة زى المرشملوا والكاب كيك والشكولاتة والملبس والسكر نبات الملون والكوكيز وممكن كمان تضم تورتاية صغيرة".

وتضيف "بهيرة" أن هذه "التقلعية" الجديدة بدأت تنتشر كذلك فى حفلات السبوع والحنة: "فى ناس بتطلبها دلوقتى كمان فى حفلات السبوع بدل ما يوزعوا العلب التقليدية على الضيوف، بتكون الـ"Candy table" موجودة وكل ضيف يختار اللى يعجبه منها، وبتختلف تصميماتها حسب نوع الحفلة يعنى حفلات الزفاف بتكون الحلويات على أشكال بدلة العريس وفستان العروسة مثلا، وفى حفلات السبوع بأشكال مناسبة للمولود والأطفال والحلويات بتكون موجودة فى علب شكلها جذاب، ونفس الأمر فى حفلات الحنة بيكون عليها أشكال الحنة والبيبى دول".



"Candy table" لحفل زفاف



الحلوى مصممة على شكل فستان وبدلة العروسة والعريس



أنواع الحلوى المختلفة على الـ"Candy table"



الكوكيز والكاب كيك أهم محتويات الـ"Candy table"



"بقصمات" مغلف بالشكولاتة على شكل فستان وبدلة



الشكولاتة من المكونات الأساسية للـ"Candy table"



بهيرة جلال مصممة الشكولاتة



موضوعات متعلقة..

مُجسمات "يسـرا".. آخر "تقاليــع" الأفراح وهدايا عيد الحب


بالصور.. شجرة الجيست بوك "Guest book" أحدث تقاليع أفراح 2014