"قالوا أحبّ القس سلامة" قصيدة لـ" سعيد شحاتة وتقى المرسى"

سعيد:
قالوا: أحبَّ القسُّ سلاّمة
.......... أنا قلت: مش وارد
سلاّمه كانت غنوه للشعرا
والقس كان -رغم الوجع- بارد

...........
تقى:
قالوا: أحبَّ القسُّ سلاّمة
.......... أنا قلت: ليه لأه ؟
سلاّمه كانت غنوه للشعرا
والقس كان -رغم الهوى - أتقى

....
سعيد:
قالوا: أحبَّ القسُّ سلاّمة
.......... أنا قلت: مش شايف
سلاّمه كانت غنوه للشعرا
والقس كان -رغم السكات- خايف

......
تقى:
قالوا: أحبَّ القسُّ سلاّمة
.......... أنا قلت: مش عيبة
سلاّمه كانت غنوه للشعرا
والقس كان -فِ العشق- له هيبة

.....
سعيد:
قالوا: أحبَّ القسُّ سلاّمة
.......... أنا قلت: مش سامع
سلاّمه كانت غنوه للشعرا
والقس كان بيحب فى الجامع

.....
تقى:
قالوا: أحبَّ القسُّ سلاّمة
.......... أنا قلت: دى قسمة
سلاّمه كانت غنوه للشعرا
والقس كان - رغم الورع – نسمة

........
سعيد:
قالوا: أحبَّ القسُّ سلاّمة
....... أنا قلت: مش شاهد
سلاّمه كانت غنوه للشعرا
والقس كان - رغم الجمال- زاهد

.........
تقى:
قالوا: أحبَّ القسُّ سلاّمة
....... أنا قلت: حَب ومال
سلاّمه كانت غنوه للشعرا
والقس كان -وسط الغنا – موال

..........
سعيد:
قالوا: أحبَّ القسُّ سلاّمة
....... أنا قلت: عدى يا خال
سلاّمه كانت غنوه للشعرا
والقس كان للشعر مش خيّال

......
تقى:
قالوا: أحبَّ القسُّ سلاّمة
....... أنا قلت: كان فارس
سلاّمه كانت غنوه للشعرا
والقس كان على قلبها حارس

...........
سعيد:
قالوا: أحبَّ القسُّ سلاّمة
....... أنا قلت: مش توبه
سلاّمه كانت غنوه للشعرا
والقس كان مشغول بأيّوبه

...........
تقى:
قالوا: أحبَّ القسُّ سلاّمة
....... أنا قلت: حب شديد
سلاّمه كانت غنوه للشعرا
والقس كان أجمل نغم ونشيد

............
سعيد:
قالوا: أحبَّ القسُّ سلاّمة
....... أنا قلت: مش برهان
سلاّمه كانت غنوه للشعرا
والقس شايل قلبه فى القفطان

........
تقى:
قالوا: أحبَّ القسُّ سلاّمة
....... أنا قلت: حب جنون
سلاّمه كانت غنوه للشعرا
والقس كان -رغم الوقار – مفتون

...........
سعيد:
قالوا: أحبَّ القسُّ سلاّمة
....... أنا قلت: حبّ إزاي
سلاّمه كانت غنوه للشعرا
والقس كان ع الباب بيشرب شاي

...........
تقى:
قالوا: أحبَّ القسُّ سلاّمة
....... أنا قلت: مش ممنوع
سلاّمه كانت غنوه للشعرا
والقس كان راجل وصوت مسموع

............
سعيد:
قالوا: أحبَّ القسُّ سلاّمة
....... أنا قلت: صدّقنا
سلاّمه هتعيش غنوه للشعرا
والقس لو عاشق يدوّقنا


........
تقى:
قالوا: أحبَّ القسُّ سلاّمة
....... أنا قلت: صدق وزين
سلاّمه هتعيش غنوه للشعرا
والقس عاشق بس طبعه رزين

......
سعيد:
قالوا: أحبَّ القسُّ سلاّمة
....... أنا قلت: كان راجل
سلاّمه عاشت غنوه للشعرا
والقس عاش يشبه "خبر عاجل"


........
تقى:
قالوا: أحبَّ القسُّ سلاّمة
....... أنا قلت: حَب بجد
سلاّمه عاشت غنوه للشعرا
والقس عشقه كان يفوق الحد

...........
سعيد:
قالوا: أحبَّ القسُّ سلاّمة
....... أنا قلت: كله كلام
سلاّمه فارده الشال على الشعرا
والقس قاللى يا ابو السعود قوم نا

سعيد:
قالوا: أحبَّ القسُّ سلاّمة
.......... أنا قلت: مش فى البرد
سلاّمه كانت غنوه للشعرا
والقس حبّ يقول صباح الورد