محمد عبد الله طاهر يكتب: الرحمة شوية يا دنيا

بتقسى ليه يا دنيا و مدوخانا
ليه دايسه علينا و على هوانا
انتى كده ليه على طول نسيانا
و ناسيه اننا فيكى يا دنيا امانه
شاريه و بايعه ليه فى الغلابه
تاخدى منهم و تروحى تدى للديابه
بتجرى يا دنيا و بتجرى معاكى الدقايق
و عداد عمرنا فيكى هو اللى سايق
الكل تايه و غايبه فيكى كل الحقايق
مين بيكى حاسس يا دنيا و مين اللى فايق
طابور و الكل و اقف مستنى دوره
مستنى عمره يخلص و يروح قبوره
و طابور يا دنيا عايش مطفى نوره
بكره يشوف مين اللى هيروح يزوره
تاهت فيكى يا دنيا حاجات كتير
تاهت قلوب تاه الحق تاه الضمير
استعصت قلوبنا يا دنيا و مين فينا قدر عليها
سَكنِتى الحزن قلوبنا و محدش قدر يداويها
ليه اللى ماشى فيكى صح بتعاندى فيه
و اللى الشر مالى قلبه بتجودى و بتديه
ليه الطيب فيكى يا دنيا متداس عليه
و اللى الشر مالى قلبه بيتباس ايديه
قوليلى بقى يا دنيا بقيتى مايله ليه
و ليه الحق فيكى بقى متداس عليه
طعم البكاء مر من غير دموع
لواحد دمه حر مقضيها جوع
قوليلى و خداه يا دنيا و رايحه لفين
ده بدمه الحر لسه مقضيها دين
بتجرى ليه يا دنيا و مدوخانا
بوصيلنا شويه يا دنيا و خليكى شيفانا
مسجونة همومنا جوانا بلاش تكونى سجانة
اضحكيلنا مرة واحدة كفايا الهم اللى جوانا
ده همومنا يا دنيا اشتكت وقالت انا تعبانة
الرحمة شوية يا دنيا و بلاش تكونى سجانة