عماد الحصرى يكتب: لو نويت..

لو نويت ليا الرجوع.. ابقى حضر تبريراتك
هات كمان حبه دموع.. جربوها اللى ف حالاتك
وانصحك لو فيه شموع.. قيدها تبكى فى سكاتك
وهات بتاعة من البتوع.. قول دى غالية ف ذكرياتك

وتعالى قولى انك حزين.. وانى ندمان انى سيبتك
حط شعرك ع الجبين.. وابتدى اوصف فى شيبتك
قول نسيت حب السنين.. وبعت نفسى يوم ما بعتك
وعيد وزيد واحلف يمين.. وقول وربى عرفت قيمتك

مش هصدق أى حاجة من دا كله
يالى كنت حبيب لقلبى وكنت خله
قلب مات بالنسبة ليا واستحالة ..
تانى أحن لحد باعنى وأرضى ذلة