محمد عبدالله طاهر يكتب : شجرة العمر

العمر بينحت بأيده
فى الوش بالأزميل
وكل لما يزيد يزيده
وشجرة العمر تميل
اللى راويها خير
زهور الربيع تحميه
واللى ساقيها الشر
ريح الخريف تمحيه
قلب سأل شريانه
الدم قل فيه ليه
هى راحت ايامه
ولا زعلان عليه
التخن عمال يزيد
فى المخ ليه يا بيه
ده العمر اللى بيعدى
بكره تبكى عليه
ليه بتنحت فى الدنيا
والدنيا بتنحت فيك
دا الدنيا يا بيه فانيه
لا هتاخد و لا تديك
ترفعك وترميك رمية
لوسلمتها ايديك
محسوبه اه بالثانية
بس خسارتها عليك
خللى بالك من الدنيا
لا تطلع غلبها فيك
اشترى نفسك احترمها
لا تكشفلك بلاويك
ده الدنيا يا بيه دنيا
والآخرة حسابها عليك
نهايتك فيها قبرك
ولا حدش هيسأل فيك
قبرك هيبئى قدرك
وعملك فى الدنيا ايه
هيكون سبب جبرك
ولا رجمك يا بيه