خلود الطيب تكتب: مهرب الخايفين

ليه شكلى أوى جداً حزين
وليه أرسم وش ضاحك
وأضحك لمين
والضحك صرخة
وألم متخبى دفين
والنظرة تايهة وحايرة وزايغة
ومش قادرة تلين
والكلمة قاسية وحانية
وأنا وأنت أول التايهين
في البعد لهفة لقا
وفى اللقا بعاد أليم
قسيت على نفسك وأنا منها
وقسوتك مهرب الخايفين
أنا هى وهى أنا... وأنت اللى ليا
ولا ليا ذنب أنا فى جراح السنين
اصفح للعمر وسامح
واشترينى بشوية حنين
وأقولك مسامحة
ودوايا حضنك الأمين
وارجع ومنك أهرب
ومين له مهرب من اللى مكتوب ع الجبين
واسأل نفسى وأسألك ليه الهروب
من شرع العشق والعاشقين
والله حرام عذاب القلوب
ولا كان عمره حرام الود لا فى شرع أو دين
اتوحشتك اشتاقتلك
وأنت راجلى ولا يضاهيك الغالى والثمين
ولا قدرت للحظة فى البعد أصدقك
واكدب كل صوت جوايا ويقين
وسواعى أفكر انسى وأعصر قلبى
يعصرنى وينبض بشدة ويصرخ يا مّايا
وخبرنى عن أم موتت جواها جنين
واصحى الصبح داعية شاكرة حامدة
والبس وش رايق
وجوايا وجع بينزف أنين
ويسألونى من لمعة عيونى عاشقة
اعرفوا إن اللمعة من تحجير الدمع بالعين
وإن كنت قاسى وإن كنت ناسى
وبادر بالجفا إحساسى
ماهاخطيش واصل ع سكة النادمنين
انت جيتنى برؤية
فكيف ما اصبرش على هدية رب العالمين
صابرة وربى عالم
وهاحيا بأمل وبشر الصابرين
اقرأ أيضا..


رسميا.. “الجبلاية” يغلظ عقوبة اقتحام الملعب لخصم 6 نقاط


بالوتيللى يُعاقب “سترلينج” بعد خسارته فى تنس الطاولة


فوز الفراعنة على بتسوانا يحدد موقف المشجعين فى مواجهة الإياب


بارتيزان الصربى مُهدد بالعقوبة بسبب “اليهود والعاهرات”


العميد: أنور سلامة واللاعبون الجدد سر صعوبة مواجهة الطلائع


الإصابات تضرب دفاع “المعلم” قبل مواجهة “المغرب”


الزمالك يهدد مستأجر “اليونى بول” لتأخره فى سداد 900 ألف جنيه مستحقات


الاتحادات تطالب “الرياضة” بنشر “اللوائح الخاصة” فى الجريدة الرسمية