بالصور.. أبو هشيمة لأهالى النخيلة: مساعدة الناس الأكثر احتياجا واجب علينا

عبر رجل الأعمال أحمد أبو هشيمة، رئيس مجلس إدارة مجموعة حديد المصريين، عن سعادته بتواجده بمؤتمر افتتاح أعمال التطوير بقرية النخيلة بأسيوط، موضحا: "أنا محظوظ علشان أنا وأنتوا مع بعض علشان نشوف الناس الحلوة دى معانا- قاصدا الحضور-".




وأضاف "أبو هشيمة" خلال كلمته بالمؤتمر: "أحنا كرجال أعمال مش محتاجين حد يقولنا اعملوا، لأن ده واجب علينا أننا نساعد الناس الأكثر احتياجا، الناس دى كرامتها من كرامتنا، أحنا مش محتاجين شكر، حقكوا إننا نساعدكم وإننا نقف جمبكوا، لكن بطلب منكم تشتغوا وتثبتوا للناس أنكم منتجين، ولازم تبقوا إضافة المجتمع".



واستطرد رجل الأعمال: "وصلنا 90 مليون فمهما الرئيس ومنظمات المجتمع رجال الأعمال عملوا مش هيبان حاجة لأن التنمية مش هتلحق زيادة النسل، فبطلب منكم تنظيم النسل خلال السنوات الجاية علشان التنمية تبان، تحيا مصر تحيا مصر".