جزمتك جنبك.. إيدك على المحفظة فى الزحمة.. قوانين المصريين فى الحياة

من النهاردة مفيش قانون.. المصريون هم القانون.. فبينما يحارب العالم من أجل وضع قواعد مثالية ليسير المجتمع عليها، قرر المصريون وضع أسس وقوانين خاصة بهم يسيروا عليها وتكون لها الحكم النهائى، ومن بين هذه القوانين..

1. جزمتك جنبك فى المسجد..

بعد انتشار سرقة الأحذية من أمام المساجد، وضع المصريون حدا للسرقة بطريقة شعبية وهى "اللى تخاف عليه خده معاك" حتى لا تمشى فى الشارع بدونه..

2. فى المواصلات قرب من الباب قبل محطتك بنص ساعة..

مع التكدس الكبير فى الأتوبيسات العامة والمواصلات بشكل عام فى مصر وُضع قانون وهو "ما تفوتش محطتك واقف قبلها على الباب عشان تعرف تنزل".

3. فى الزحمة عينك على رجلك وأيديك على المحفظة..

من المعروف كثرة حالات النشل والسرقة فى الأماكن المزدحمة مثل الموالد والملاهى والحفلات، لذلك اتجه المصريين لوضع أسس ثابتة لحماية المواطنين بقانون "عينك على رجلك ويديك على المحفظة فى الزحمة".

4. عشان تخلص مصلحتك الحكومية صلى الفجر وروح..

الروتين يجعل الانتهاء من الورقة الحكومية تحتاج إلى عدة ساعات، وهو ما يؤثر على سير العمل، فاتبع المصريون بالفطرة قانون "صلى الفجر وروح خلص مصلحتك الحكومية".

5. فى سوق السيارات اللى ورا هو اللى غلطان..

قانون المرور لا يغطى كل النقاط والأحداث التى تحدث فى الشارع، لهذا اتجه المشرعون الشعبيون من وضع قوانين استكمالية للمرور منها "العربية اللى ورا هى اللى غلطانه حتى لو العربية الأمامية فيها كل العبر".