لمياء فهمى عبد الحميد تنتقد أغنية برنامج "أسعد الله مساءكم"

انتقدت الإعلامية لمياء فهمى عبد الحميد الأغنية التى عرضها أكرم حسنى ببرنامجه "أسعد الله مساءكم" على قناة mbc التى سخر فيها من التليفزيون المصرى ومن برامجه على صفحتها الشخصية بفيس بوك قائلة:
" بالنسبة للأغنية اللى فيها إهانة للتليفزيون المصرى ... ماتكسفتوش من نفسكم وأنتم بتسجلوها... التليفزيون ده اللى طلع أجيال.. اللى فى يوم من الأيام كنا بنزعل عشان القناه الأولى بتقفل من الساعة 1 لـ 3 عشان مش بنلاقى حاجة نعملها... التليفزيون اللى كنا بنقعد نستنا الفيلم الأبيض والأسود وقت الظهر...التليفزيون المصرى الشيخ الشعراوى وفوازير رمضان وليالى الحلمية ورأفت الهجان.... التليفزيون المصرى اللى سايب بصمة فى كل بيت.. التليفزيون المصرى يعنى الإعلام بجد يعنى الإعلامى محمود سلطان والإعلامى أحمد سمير والإعلامية نجوى إبراهيم والإعلامية ثناء منصور... الناس دى إحنا بنتعلم منهم لحد النهاردة.. عيب أوى اللى بيحصل النهاردة من جيل مايعرفش يعنى إيه التليفزيون المصرى.