من دكتورة لفوتوجرافر.. كيف تطورت إجابة البنات على سؤال "نفسِك تطلعى إيه"

دكتورة، مهندسة، محامية، معلمة وأحيانًا سكرتيرة، فى هذه المهن المعدودة انحصرت إجابات البنات على سؤال "نفسك تطلعى إيه؟" لسنوات طويلة، ورغم أنهن مع الوقت يخترن مسارات أخرى مختلفة، إلا أن أحلامهن فى سنوات الطفولة والمراهقة المبكرة كانت تأخذ دائمًا هذه الاتجاهات التقليدية والمعروفة، وهو الوضع الذى تغير كثيرًا فى 2015..

"كابتن طيار" أو "خبير استراتيجى"

فى إجابة على سؤال "نفسك تشتغلى إيه" قالت "ساندى إدوار" الطالبة فى الثانوية العامة "نفسى أشتغل كابتن طيار، بس بيقولوا لى مش هتتقبلى وعايزة كورسات غالية برة.. ونفسى كمان أطلع خبير استراتيجى بس مش عارفة دول بيطلعوا من كلية إيه أصلاً!".

"منظمة حفلات"

أما "يمنى عبداللطيف" الطالبة أيضًا فى الثانوية العامة فتقول "نفسى أطلع منظمة حفلات أو مصممة استعراضات.. لأنى بحب الجو دا جدًا، وحاسة إن الشغل دا كله بهجة ومش تقليدى ولا روتينى".

"أبيع ورد"

بنبرة حالمة تتناسب مع سنوات عمرها الـ 14 قالت "رانيا فتحى": "نفسى أفتح محل ورد راقى جدًا فى مكان راقى فى مصر.. مافيش أروق من كدة".

"فوتوجرافر"

ومن وحى "الفيس بوك" قالت "خديجة متولى": "نفسى أشتغل فوتوجرافر وأعرف كل يوم قصة حب جديدة من خلال شغلى وأشوف كمان أماكن جديدة وفى نفس الوقت أبقى بعمل حاجة إبداعية".

"فاشونيستا" أو "موديل"

باختصار تقول "مى أحمد": "نفسى أشتغل فى الفاشون، يا إما أكون مدونة موضة أو فاشونيستا أو أشتغل موديل".