بالفيديو.. فتيات مصر ينتفضن من أجل الحجاب ويرفضن دعوات مظاهرة خلعه فى التحرير.. كاريمان :"الموضوع حرية شخصية مش محتاجة حد يقولى اقلعيه أو البسيه " ..وسارة :" مش معنى إن البنت محجبة يبقى فكرها سيئ "

استطلعت كاميرا “فيديو 7 قناة اليوم السابع المصورة” آراء عدد من المواطنين، بعد اتساع دائرة الجدل حول دعوة الكاتب الصحفى شريف الشوباشى لمظاهرة “خلع الحجاب” فى ميدان التحرير.

وقالت كاريمان نبيل، بكالوريوس تجارة “الموضوع كله حرية شخصية مش محتاجة حد يقولى اقلعى الحجاب أو البسيه، الموضوع بالخلع أو الارتداء هو حرية شخصية”.

فيما قالت سارة شعبان بكالوريوس تجارة “إحنا طول عمرنا عايشين فى حاجة اسمها حجاب بصرف النظر عن المسلمين أو المسيحيين، ومش معنى إنى البنت محجبة يبقى فكرها سيئ”.

وتابعت: والدتى كانت محجبة فى الجامعة رغم تعرضها لمضايقات واضطهاد من قبل دكتور لها داخل الجامعه كان يحارب المحجبات ولكنها كانت الأفضل دائما، متابعة”فى بنات بتخلع الحجاب من ورا أهلها بتلبسوا وتنزل الشارع تخلعوا .. هى بتعمل الحاجة اللى شيفاها صح وهى فى الأول وفى الآخر هتتحاسب على نفسها”.

فيما قالت كريستين “مش موافقة على الدعوة لمظاهرة لأنها حرية شخصية مش لازم نعمل مليونية عشان ننزل كل واحد حر يعمل إيه وميعملش إيه”.

وقالت سمر بكالوريوس تجارة “معترضة على الدعوة لأنى شايفة إنها حرية شخصية”.