السبح تجارة الموسم وكل موسم رمضانى

مع بداية الشهر الكريم يبدأ الناس تحضير السبح بأنواعها المختلفة وألوانها البراقة ليبدأوا مشوار التسبيح والذكر والابتهال، لذلك يعد موسم رمضان من أهم المواسم التى يقبل فيها الناس على شراء السبح وخاصة الزرقاء منها لما تسببه من حالة روحانية عالية ومنع الحسد والشر فى آن واحد.

يقول "محمد فواز" تاجر السبح: تجارة السبح من التجارات اللى مش مربحة طول السنة لأن الناس دايما بتحتفظ بسبحة واحدة ومبتبدلهاش إلا لما تقدم أو تتقطع، لكن شهر رمضان فعلا بالنسبة لبائعى السبح هو شهر الكرم والخير، لأن الناس بتبدأ تشترى أجدد الموديلات علشان تستقبل الشهر وسط طقوس الذكر والتسبيح.

وعن أسعار السبح يقول "فواز" السبح زى أى إكسسوار بتتوقف قيمته وسعره على حسب جودته والخامة المصنع منها، فالكريستال التقليد يتراوح سعره ما بين 10 و50 جنيها، أما الكريستال الأصلى فيبدأ من 100 جنيه.

وأضاف، وبالنسبة للخرز العادى فيبدأ من 5 وحتى 30 جنيها على حسب الخرزة نفسها أو الحجر المصنعة منه، وكمان على حسب حجمها ولونها، فالأحجار الزرقاء تعتبر من أغلى الألوان لأن الناس تتبارك بها وتحتفظ بها لكى تمنع الحسد والشر.

مجموعة من السبح رمضان موسم السبح