الناقد حاتم حافظ يحلل حركة "رمضان صبحى" فى مباراة القمة بعيون ابن خلدون

قام الناقد الأدبى حاتم حافظ، بتحليل الحركة الاستعراضية التى قام بها لاعب النادى الأهلى رمضان صبحى، خلال مباراة القمة الأخيرة بين الأهلى والزمالك، حين وقف على على الكرة بطريقة استعراضية فاردًا ذراعية بحركة تعنى أنه لا يرى أحدًا منافسًا له ولفريقه، كأنه يقول أين لاعبو الزمالك.

وقال الناقد حاتم صبحى على صفحته الشخصية بموقع التواصل الاجتماعى "فيسبوك"، "إن وقفة رمضان صبحى مش أخلاقية، لكن حلوة طبعا لأن الاستهزاء بالخصم حاجة عظيمة لما بتبقى منتصر، وشيكا لما قعد يتنطط فوق الكورة من كام سنة والزمالك كسبان كانت حاجة مش أخلاقية لكن جميلة..المنتصر هو اللى بيحط القواعد والشروط، ودى قاعدة العمران اللى قال عليها بن خلدون".

وتابع الناقد حاتم حافظ، "عشان المنتصر انتصر فى جولة، وخسر المعركة فبيبقى ضرورى يبالغ فى النصر دا، ويعمل منه أسطورة عشان يغلوش على هزيمته..ودى قاعدة العمران نمرة اتنين اللي قال عليها بن خلدون برضه".

وأضاف حاتم حافظ، "رمضان صبحى هيبقى خليفة تريكة، مش بس فى طريقة اللعب، لكن كمان فى سرقة الكاميرا باستمرار من اللاعب الأهم، مؤمن زكريا هو اللى جاب الجونين، وبمجهود فردي مش جماعى.. لكن صبحى هو اللى خد لقطة المباراة..ودى قاعدة العمران رقم تلاتة".

وتابع حاتم حافظ، "شلوت حازم غير أخلاقى طبعا لكن ليه مبررات قوية جدا..كابتن فريق شاف فريقه بيتحكم ضده بخطأ تحكيمى واضح..ومن الخطأ دا يحرز المنافس هدفه التانى واللى بيحسم اللقاء..بعدها بدقايق يلاقى لاعب خصم بيستعرض ثقة مبنية على حكم خاطىء.. اللاعب دا ما ياخدش عقوبته..فى لحظة الإحساس بغياب العدالة يضرب شلوت ويستقبل عواقب الشلوت بشجاعة..ودى قاعدة العمران رقم أربعة".

موضوعات متعلقة..

شعبان يوسف ينعى على أبو المكارم: تلميذ مخلص لـ"سيبويه" وأديب تحدى السلطة