وزارة الداخلية تسدد ديون الغارمات من زكاة ضباط الشرطة.. الوزير يطالب إدارة العلاقات الإنسانية بسرعة إنهاء إجراءات خروج السجينات لقضاء العيد برفقة أسرهن.. ويؤكد: نحاول إدخال البهجة فى قلوب المصريين

وافق اللواء مجدى عبد الغفار وزير الداخلية على الفكرة التى أطلقها النقيب محمد جمال ضابط شرطة، بجمع أموال زكاة رمضان من الضباط بالوزارة على مستوى الجمهورية وتسديد ديون السيدات الغارمات المسجونات، حتى تكتمل فرحتهن بعيد الفطر المبارك، ويقضين العيد برفقة أسرهن.

وطالب اللواء مجدى عبد الغفار إدارة العلاقات الإنسانية بالوزارة بسرعة التنسيق مع مصلحة السجون والضباط الذين يسددون أموال الغارمات فى أقرب فرصة حتى يخرجن قبل العيد.

وقالت وزارة الداخلية، إنها تعتبر نفسها جزءا لا يتجزأ من الشعب المصرى، تعانى من آلامه، وتفرح لفرحه، تحاول جاهدة أن تدخل الفرحة والبهجة فى قلوب المصريين.

يأتى ذلك بعدما دعا النقيب محمد جمال، زملاءه الضباط فى وزارة الداخلية، بمساعدة الغارمين والغارمات، وذلك من خلال الزكاة، وتدشين هاشتاج "زكاة الضباط للغارمين والغارمات"، مضيفا: "متخليش العيد يدخل على إنسان أبوه أو أمه فى السجن علشان غلبان، ولكل ضابط جدع بدل ما نحبس المرة دى هنخرج".



وأضاف النقيب خلال رسالته، عن موقف قائلا: "لسه شايف بلاغ.. حاجة تحزن لما تشوف ست كبيرة بتتحبس عشان ضمنت ابنها فى ثلاجة.. حاجة تجبلك إحباط من الحياة".

وجاء نص رسالة نقيب الشرطة: "الزكاة ركن من أركان الإسلام.. ساعدونى فى الهاشتاج ده ينتشر للخير وخصوصا رجال الداخلية اللى فيهم الخير للبلد ديه من جواهم.. لكل ضابط شرطة جدع فيه الخير بدل ما نحبس.. المرة دى هنخرج، وبجد الواحد لسه شايف بلاغ حاجة تحزن لما تشوف ست كبيرة بتتحبس عشان ضمنت ابنها فى ثلاجة.. حاجة تجبلك إحباط من الحياة.. وخلاص بقا فى ناس متعرفش ترحم أو تسامح حتى الغلابة إلى الدنيا جايه عليهم.. الهاشتاج ده للغلابة شير مش هتخسر حاجة".

"البوست ده للغلابة" والأهم المشاركة مضيفا: "متخليش العيد يدخل على إنسان أبوه أو أمه فى السجن علشان غلبان، البوست ده عشان كل أم وأب وأخ وأخت وجد وجده وعم وعمه وخال وخاله محبوسين فى السجن عشان معهوش فلوش مش أكتر وحد زكاتك مش المهم كام، المهم شارك الفكرة فى الخير، معلنا عن هاشتاج "زكاة الضباط للغارمين والغارمات".

وتابع: "البوست ده لوزارة الداخلية والناس الطيبة من أهلنا كام واحد هيعمل شير كام واحد بيحب الخير بجد اكسب ثواب وشير الفكرة "رمضان كريم".

موضوعات متعلقة..

نقيب شرطة يدعو الضباط لتخصيص زكاتهم لمساعدة الغارمين.. ويناشدهم: "متخليش العيد يدخل على إنسان أبوه أو أمه فى السجن عشان غلبان".. ولكل ضابط جدع بدل ما نحبس "هنخرج".. ويدشن هاشتاج للفكرة