نصر فتحى اللوزى يكتب: خروف العيد

إمبارح خروفنا العزيز كح كحة
سألت مراتى قالت خد من البرد لفحة
بالليل لقيت الخروف على سريرى
مراتى قالتلى نام قدامنا فى الفسحة
***
بالليل سمعتها بتهننه وتغنيله
بصوت لأول مرة أسمعه منها
تقول ثومة وردة وبالصحة بتدعيله
كل شوية إيش فول وإيش برسيم
طول الليل طبطبة وزادت فى تدليله
***
الصبح خدته للحمام السخن بالشامبو
لأول مرة أسمع عنه فى بيتنا
فى البانيو نام الخروف على جنبه
قالتله حمام الهنا ياخوخو
ياسيدى على الدلع وأنا تقولى ياسامبو
قلتلها كدا مش معقول ياروحى
دا أنا برضه لسه الشجيع رامبو
***
نشفت فروته بفوطة لسه جديدة
وفوطتى من سنة بقت نساير مبهدلة
طلبت فوطة قالتلى دا أنت على الحديدة
بصيت للخروف من القرون للليه
قالتلى أوعى يا راجل تكون بتغير
منه عليه
قلت أبدا ربنا يهنى سعيد بسعيده
***
سألتنى من سعيد قولى
من خوفى قلتلها أنا بس من غير فروة
ياريت تطلعلى فروة أبقى سعيد تملى
وأسمع كلامك الحلو
تغيرى نغمة قوم أصحى يا ترللى .