مواطن من أمام الوزراء لـ"النواب": نفسى تقدمولنا حاجة مش كلام وبس

تقدم المواطن حسنى أحمد السيد طلبة بشكوى إلى مكتب تلقى الشكاوى بمجلس الوزراء بشارع حسين حجازى اليوم الأحد، للمطالبة بتوفير كشك حتى يستطيع أن ينفق على ابنه من ذوى الاحتياجات الخاصة.
وقال حسنى لـ"اليوم السابع": "أنا حاليا لا أعمل نظرا لمرض ابنى بمرض شلل الأطفال وهو شلل رباعى، وسيبت العمل لما اشتد المرض عليه، وأنا كنت شغال عامل باليومية، ودلوقتى قاعد تحت بير السلم، ومش قادر ادفع الإيجار وتم طردى من الشقة اللى كنت مأجرها بـ500 جنيه فى الشهر، وعندى بنت ماتت عشان معرفتش أدخلها الحضّانة بعد ولادتها كانت مريضة بالصفرا، والتالتة فى سنة 6 ابتدائى وأهل الخير بيدفعولها الدروس، وأمه مريضة وعندها مرض تليف كبد".

وأضاف بعيون تملأها الدموع: "أنا نفسى أصحاب القلوب الرحيمة والمسئولين وأعضاء مجلس النواب يحسوا بينا وبعيشتنا ويقدمولنا حاجة مش كلام وبس، أنا نفسى يجى يشوفوا عايشين إزاى"، موجها رسالته للجميع: "تعالوا شوفونى على الطبيعة عشان تتأكدوا من كلامى".