فى ذكرى وفاته.. 5 نصائح من يوسف وهبى فى "إشاعة حب" للخروج من الفريند زون

بعيدًا عن نظريات الحب العظيمة، واجتهادات جمهور فيس بوك و"حبيبة" هذا العصر فى ابتكار طريقة "مش مفقوسة" للفت نظر الحبيب والخروج من دائرة "الفريند زون" إلى دائرة "بيبى"، كان للفنان الراحل يوسف وهبى نظريته التى كانت خطة ذكية بسيطة للإيقاع بالسندريلا سعاد حسنى لصالح عمر الشريف العاشق الصامت، وإبعاد لوسى عن طريقهما، هذه الخطة التى نفذها يوسف وهبى تحديداً فى عام 1960 فى فيلم إشاعة حب، والتى كانت ومازالت أفضل طريقة للخروج من "الفريند زون" على الرغم "إنها اتهرست فى مليون فيلم قبل كده".

فى ذكرى وفاة الفنان الراحل يوسف وهبى قررنا أن نسترجع خطة يوسف وهبى  الرائعة ونهديها إلى "حسين" هذا العصر العاشق الصامت "الغرقان فى شبر مايه" حتى يخرج من الفريند زون إلى النور من جديد.

1- "لازم تهتم بنفسك شوية، اهتم بمظهرك عشان تبص ليك وتشوفك وتحبك" هذه هى النصيحة الأولى التى وجهها يوسف وهبى لعمر الشريف.

2- من يوسف وهبى لعمر الشريف ونصيحة للإيقاع بقلوب الفتيات :"الغزل ده نوع من الفن نوع من "الحنجلة" لازم تتعلم إزاى تخطف قلب البنت، يعنى لو عايز توقع بنت حلوة ممكن تستعين بإسطوانة"سبحان من أبدع ومن صور إنتى أخدتى جايزة الجمال فى رأس البر".

3- النصحية الثانية :"الستات تحب الراجل الفهلوى .. تحب الراجل اللى ليه مغامرات عشان لما تحبها تحس إنها انتصرت على كل ستات العالم فتحس بأنوثتها".

4- عشان تحرك قلبها لازم تقنعها إنك بتحب، فلانتينو، واد فتك، لازم تتأكد إن الستات بتجرى وراك عشان تجرى وراك هى كمان

5- لو خسرت جولة أوعى تنسحب لازم تكمل عشان توصل لقبلها وتوقعها فى حبك وتفكر فيك وتبصلك