رسالة شهيد" قصيدة تنعى شهداء القوات المسلحة

شارك الشاعر هانى الدسوقى خدمة صحافة المواطن بموقع اليوم السابع، بقصيدته "رسالة شهيد" ينعى من خلالها كل شهداء القوات المسلحة.

نص القصيدة

متعيطيش يمه

انا ممتش .. ده أنا اليوم شهيد

مش لوحدي يمه .. ده احنا كثير

ايوه يمه .. كلنا جنود مصريين

حلفنا يمين

لنخلصك يا مصر من ارهاب لعين

لكن العمر يمه قصير

اطمني يمه وطمني الكل

وسلمي على البت فدوه والواد سعد وياسين

علميهم يمه

يعني ايه حق البلد .. حق ابوهم .. حق الشهيد

خليهم يشيلو السلاح مع جيش مصر العظيم

ولو راح شهيد تاني وثالث يمه .. متزعليش

ما احنا كده المصريين

حلفنا مش راجعين

الا اما نطهر مصر من كل خاين عميل

زغرطي يمه متعيطيش

أنا ممتش ... ده انا اليوم شهيد

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.