حد يطيّر لنا التوك توك الطائر

حد يطيّر لنا التوك توك الطائر

اللي بنى مصر كان في الأصل حلواني، عشان كده طالعة كنافة بالمكسرات، لهذا ليس من العجيب أن يخرج علينا مواطن حاصل على دبلوم صنايع والبخت ضايع، مدعيا أنه اخترع "توك توك طائر".. ماشي يا سيدي.. آمنا بالله ، توك توك، وطائر.. الاتنين؟!.. قالك: "آه، عشان أخفف زحام القاهرة"، وماله؟َ! خفف، المهم إن المخترع المصري العظيم كل يومين يطلع يقولك أدينا قربنا نخلص، والناس قاعدة مستنية إن التوك توك يطير، أهو أي أكشن في البلد، لكن هوب، الراجل طلع في الآخر، وسبحان الله : قالك : "أنا عاوز أطيره، بس مش عارف".. لأ ده انت جاي تهزر بقى، بص يا عبقرينو، ابقى اديه لحد يطيرهولك.

المواطن الفقير بين المطرقة والستات

ترتفع الأسعار، ويزداد الفقر، وبدلا من توجيه الحكومة عنايتها نحو الفقراء، تسمع عن "اللعب" في بطاقات التموين، تحت مسميات عديدة: تطهير بطاقات التموين، وتقليل عدد الأفراد المستفيدين من البطايق، وإعادة فرز المستحقين، وهو كلام حق، ولكن من يضمن أنه لن ينفذ بالباطل، وألا يدفع الثمن من لا يجدون قوت يومهم؟!.. يكفي اعتراف الحكومة بالفساد في استخراج البطاقات وعجزها عن السيطرة عليه، لتوقن أنها لن تستطيع السيطرة على الفرز والتطهير، وربنا يستر علينا وعلى أهالينا.