د. صبرى إسماعيل يكتب: أسرتكم راحت فين!

الأسرة معناها اللمة—---والإيد الواحدة مع الهِمّة

وتفاهم بيزيل الغُمّة-----يا عرب وبكل أنين

أسرتكم راحت فين!

*******

سايبين الفيس بيفرقكم---وتويتر بيبّعد بينكم

وفارقتم عمتكوا وخالكم---حتى الجوّال عاشقين

أسرتكم راحت فين!

*******

الواقع ليه أصبح خالى--وعالمكم صار كله خيالى

طب أيه اللى هيبقى لى----لو ظل الأمر سنين

أسرتكم راحت فين!

*******

فين عهد زمان بيجمّع---تتكلموا غيركم يسمع

الذنب صايبكم أجمع---شوفوا حل يا أهل العين

أسرتكم راحت فين!