عمرو أديب ناعيا محمود عبد العزيز: "فنان من الجيل الذهبى هيفضل عايش بأعماله"

علق الإعلامى عمرو أديب، على وفاة الفنان محمود عبد العزيز، قائلاً: "الله يرحمه كان فنان جميل ومصرى أصيل محترم كان بيحب البلد، وحافر فى وجدان كل بنى آدم، صراع طويل مع مرض "مالوش علاج"، وطول عمره كان مبتسم، وعمره ما غلط فى حد، وفنان محترم من الجيل الذهبى، هو من جيل نور الشريف، وربنا يدى محمود ياسين طولة العمر".

وأضاف أديب، خلال تقديمه برنامج "كل يوم"، على فضائية "on E"، :"المرض كان عنده صعب، وكان بيتألم، وربنا ريحه وريح كل اللى حواليه، والناس اللى زى دى ما بتمشيش بلا بصمة ولا بلا ذكرى،  هيفضل عايش بأعماله، تتفرج على الكيف والعار وكل أعماله"، مردفاً :"الراجل دا حسسنا إن إحنا مصريين.. قيمة وقامة، والبلد دى فقيرة وغلبانة بس عظيمة بناس زى محمود عبد العزيز، وعظيمة بالفن والفكر المصرى".