وزير الطيران: المواطن العادى لا يدرك أهمية السياحة

قال شريف فتحي وزير الطيران، إن السلوك المجتمعى تجاه السائح العربى أو الأجنبى، يحتاج جلسات عدة، مطالبا بحملة قومية يشترك بها مجلس النواب للتثقيف المجتمعي وتغيير سلوكه تجاه السائح، مضيفا :" الموضوع مش إعلان فى التلفزيون بس، الحقيقة إحنا سلوكنا غير لائق،  مش مع العرب بس لكن مع الأجنبى كمان، اُسلوب إهبش وأضرب وإجرى ما زال شغال مع السائح، لو هنتكلم عن سلوكنا هنحتاج جلسة واتنين وثلاثة بل سنوات للتغلب علي السلوك السئ ".

 وأضاف "فتحى" خلال الاجتماع المشترك للجنتى السياحة و الشئون العربيَة، للحديث عن تنشيط السياحة البينية العربية، إن المواطن العادى لا يدرك أهمية السياحة للدولة المصرية، مشددا : " الاستثمار الأكبر هو تغيير سلوكنا منذ الاستقبال فى المطار،عايز اللى بيفتش  يضحك للناس، ويعامل السائح أنه ضيف عندنا، الموضوع محتاج  شغل كتير، عايز تنسيق  بين الجميع".