طارق يحيى لـ"رئيس الشرقية": اعرف حجمك.. واسمى وتاريخى أكبر منك

رفض طارق يحيى، المدير الفنى لفريق الشرقية، تجاوزات حمدى مرزوق رئيس النادى تجاهه، قائلاً: "ماحدش يزايد على أمانتى واسمى، وعيب أنا مش صغير، والحمد لله وبفضل الله ما فى نادى دخلته وخرجت منه إلا والناس بتعيط على رحيلى، وعيب اللى بيقوله الأخ حمدى مرزوق، ولازم يعرف حجمه".

أضاف طارق يحيى، خلال تصريحاته لبرنامج "خاص مع سيف" عبر شاشة "on sport" : "ليس لى علاقة بحمدى مرزوق، ولم أقابله فى حياتى إلا مرة واحدة، واتفاقى على قيادة الشرقية كان مع الراعى فقط.. وأقسم بالله ما أعرف أى لاعب بياخد كام، ولا لى دخل بهذه الأمور إطلاقاً".

تابع المدير الفنى للشرقية: "لو حمدى مرزوق عنده حاجة رسمية تديننى يطلعها، وأقسم بالله هجيلك فى مناظرة علانية عندك.. الكلام ده عيب واسمى وتاريخى أكبر منه، وأنا بصلى وعارف ربنا، ولولا جلستى مع محافظ الشرقية واحترامى له لن أستمر يوما واحدا فى النادى، وأحترم جمهور الشرقية، ولم يصدر منى إهانة لأى شخص هناك، وعلاقتى بهم على أعلى مستوى".