بالفيديو.. "إيه اللى رماك على المر".. "أنوار" بائعة أنابيب "ديليفرى" للسيدات فقط: "مطلقة بقالى 5 سنين وعندى ولدين بشتغل عشان أربيهم".. ببدأ شغلى من 7 الصبح لـ12 بليل.. وعايزة الستر من ربنا

استطاعت المرأة فى الفترة الأخيرة، أن تقتحم مجالات عمل عرفت لعقود طويلة أنها للرجال فقط كمهنة سائق التاكسى وملمع الأحذية، وغيرها من المهن التى استطاعت من خلالها المرأة أن تثبت بأنها لا تقل كفاءة عن الرجل بل من الممكن أن تكون أفضل منه مثل أنوار التى تعمل بائعة أنابيب "ديليفرى" وتقوم بتوصيل الأنابيب للمنازل التى يعيش فيها السيدات فقط .


تتحدث أنوار عن قصتها قائلة:"اسمى أنوار أحمد عندى 36 سنة وعندى ولدين واحد 15 سنة وواحد 10 سنين واحد بيتعلم والتانى شغال فى ورشة ميكانيكا ومطلقة بقالى 5 سنين، ولقيت إنى دى شغلانة كويسة أعمال حرة زى مابيقولوا فاشتغلتها".

وأضافت "أكيد الشغلانة دى بتاعت رجالة بس إيه اللى رماك على المر ببدأ شغلى من الساعة 7 الصبح وبروح 11 أو 12 بليل وزبائنى بيكونوا عارفين رقمى وبيتصلوا بيا وساعات لما ألاقى الجو مريح بسرح بيهم وعمرى زبون ضايقنى لأن مش أى حد أطلع عنده بكون عارفة إن مفيش راجل فوق والستات بيطلبونى لأنهم بيفضلونى عن الراجل".

وتتحدث "أنوار" عن أمنيتها الوحيدة فتقول: "أنا عايزة بس الستر من عند ربنا لأنه بالدنيا كلها".

موضوعات متعلقة..

- بعد اتهام "تيمور السبكى" لسيدات الصعيد بالخيانة.. 10 تصريحات أهانت المرأة بمصر.. إحصائيات "خيانة" الست المصرية لزوجها عرض مستمر.. "ليس من حقهن التعليم" و"خروجهن للعمل حرام".. فتاوى حطت من شأنها