بالفيديو.." الفلانتين و سنينه"..البنات:"الدبدوب وحده لا يكفى"..والشباب:"انزلو بسقف التوقعات"

الحب ذلك الكائن الخفى الهائم فى ملكوت الله ،يدخل القلوب خلسة دون استئذان ، فيضئ الدنيا بنوره ، ويبدل الباهت بأزهى ألوانه ، ويضيف تلك المادة على الحياة فيزيدها حلاوة ، ويذهب العقل إذهاباً ويصبح القلب سيد الموقف ،كاميرا اليوم السابع جابت شوارع المحروسة لترصد هل الحب مازل بهذه القيمة الغالية لدى البشر أم تغيرت خواصه وتبدل حاله .



التقينا بـ “ريمون العريان “يعمل محامى قال ” الحب مش موجود زى زمان ، زمان كان فى ثقة وصراحة لكن دلوقتى مزيف “.

عمرو يعمل مدير مخازن قوله عن الحب لا يختلف عن ريمون فقال ” الحب نعمة من ربنا ، لكن احنا كبشر مش شايفينه لأن جوانا مش كويس ،فالحب مش من اهتماماتنا ، الإنسان مش بيحب غير مرة واحدة بس فى حياته حتى الراجل لو اتجوز 4 مش بيحب غير واحدة بس “.

” الحب عاطفة نبيلة وأجمل عاطفة فى الوجود وطول ما الإنسان عايش بيبحث عن الحب ” هذا ما قاله المهندس أحمد عوض يعمل فى أحدى الشركات العقارية ، وتابع” أن الحب يظهر فى مناخ يسمح له بالنمو وأن كان هذا المناخ متوتر فإنه تكمن تلك العاطفة ولا تظهر رغم وجودها ” ويرى أحمد أن نسبة الحب عند المرأة مرتفعة أكثر من الرجل فقال ” عاطفة الحب عند المرأة تمثل 90% أما عند الرجل فلا تزيد عن 50% ” .

وتقول مروة طالبة فى كلية الإعلام جامعة القاهرة ” الحب فى أفورة اليومين دول واللى بيحصل هو استغلال للعلاقات على مواقع التواصل الاجتماعى السوشيال ميديا ، وكمان مفيش حاجة اسمها الحب الأول لأن الحب الأول هو الحب الأخير لو حب بجد هيستمر “

“اللى يحب مبينساش لأنه إحساس قوى مش من السهولة حد يخرج منه ” هكذا يرى أحمد طالب فى كلية الإعلام الحب وتابع ” المشكلة أن إحنا لما بنشوف أى انجذاب ناحية أى حد بنقول عليه حب ، الحب بمعنى الحب دى حاجة أفلاطونية قوية جداً عشان كده هو أسمى شعور الإنسان ، وهو مش مرتبط بسن لأنه إحساس قوى جداً أقوى من أن الإنسان ممكن يخرج منه فى الحياة ” .

واعترف أحمد قائلاً ” إحنا عنينا زايغة ودى حاجة صريحة ولازم الست تتقبل ده ، أما ممكن أكون بحب واحدة قوى لكن دماغى ممكن تروح لغيرها لأن التانية ممكن تكون بتكلم أو بتلبس أحلى منها ” وتابع مشكلة البنت فى الحب أنها دايماً منتظرة من الراجل أنه يصونها وما يبصش لغيرها وفارس أحلامها وده مش موجود ، لازم تنزل بسقف توقعتها شوية عشان السقف ماينزلش على دماغها ” .

“الحب الحقيقيى هو إللى يحلى مرار الأيام ” إياد مصطفى طالب الإعلام يرى الحب هكذا ويضيف ” الحب علاقة معقدة ومرهقة جداً ” ويضيف أن ” اول علاقة الواحد يدخلها بتفضل معاه طول العمر ما تتنسيش أبداً ، وأن الراجل حبه أقوى لأنه بيستحمل المرأة لأنها كائن مرهق جداً بالإضافة أنها مثال للنكد بالإضافة أن الراجل قلبة مبير بيحب أكتر من مرة وبالدليل أن ربنا محلله أنه يتجوز أربعة إذن ربنا حاطط فى قلبه حته لأنه يحب كتير ” .

وترى بسنت طالبة كلية الإعلام أن الحب الأن منظرة و” أوفر ” أما عن الحب الأول فهو ” حب المدرسة وإبتدائى وهو أصدق حب ” .

الحب خلاص انتهى وراح مافيش حد بيحب من قلبه كله حب عين وخلاص الزمن الجميل بس اللى فيه الحب ، الحب الأول هو حب أم العيال ، هو فى حد بيحب غير حببته أم عيالة ” .

أما سندس 12 سنة فتقول ” الحب دلوقتى قليل قوى أساساً الولاد بيشوفوا البنات من بره ، ومش معنى أن الولد يدى الشكولاته أو الدبدوب يبقى كده بيحب ” .