أيمن مجدى أيوب يكتب: إحنا فى أزمة اقتصادية والإيجابية هى الحل

إحنا فى حرب وأزمة اقتصادية زى ما يكون واحد ماسك شاكوش وعامل يضرب بدأت بضرب السياحة وقفل المصانع والجشع والطمع اللى بقى عند كل الناس بالإضافة إلى ان الدولة عاملة تسدد فواتير الحرب على الإرهاب لعدم سقوط الدولة وده تمنه غالى ومش سهل كدة انهم يسيبوا البلد فى حالها بالإضافة إلى ميراث ثقيل من الفساد والظلم فى كل حتة فى البلد ومع ذلك إحنا ماشيين بالبركة ناقص العدل لو اتطبق على الكل حال البلد هيتعدل ومع ذلك فى ناس بتقف قصاده عايزة الدنيا خرابة دنيا المصالح والنفوذ يا ريت نصحى ونفوق ونقف جنب بلدنا بدل التقطيع فيها ومع ذلك يجب أن نتعرف أن هناك قصورا فى أداء المجموعة الاقتصادية ومش كل أزمة تحصل نيجى على المواطن الغلبان ونرفع الأسعار ويبقى هو المطالب دائما بسداد الفواتير.

يجب النظر بنظرة شاملة عن أسباب هذه الأزمة من كل الجوانب حتى لو كان الحل التوقف عن استيراد بعض السلع التى تستنزف الدولار من السوق ويوجد لها بديل مصرى حتى لو كان أغلى كذلك مواجهة تجار العملة وتجار المخدرات وغسيل الأموال والسلاح وإحكام الرقابة عليهم.

مع عمل حوافز سريعة لتشجيع الاستثمار بعيدا عن الروتين والخوف من التوقيع على ورقة وعمل لجنة ووضع العراقيل من أجل ماذا ناس تانية ولا الخوف من المعاقبة وكذلك إزالة العقبات أمام كل المشاريع المتوقفة وتنشيط المشروعات الصغيرة للشباب وكذلك ضرورة مصالحة وتسوية رجال الأعمال المتعرثين والهاربين وأن يكون لنا رؤية وسياسة واضحة احنا بلد صناعية ولا زراعية احنا الاتنين طيب عملنا اية علشان ننجح وناقص اية.

يبقى التسويق لنفسنا برة جيدا علشان الناس تشوفنا كويس سواء سياحيا أو اقتصاديا أو أمنى وهذه هى القضية التسويق لبلدك يا مصريين فى الخارج يا سفارتنا يا رجال أعمال يا حكومة اقعدوا مع بعض لعمل ادارة تسويق لبلدنا لو مش عارفين نعمل دة نجيب ناس من برة تدير التسويق والدعاية ونشتغل صح واللى يتقال يتنفذ على أرض الواقع مش كلام على الفاضى وحوار طرشان مش معقولة كدة اين الأفكار والعقول موجودة بس التنفيذ ونمد ايدينا فى ايد بعض معدش فيه وقت لتنظير على بعض والتعامل بوشين وكل واحد واقف للتانى احنا فى دولة بها قانون لتطبيق العدل وليس للظلم احنا فى أزمة حقيقية أزمة ضمير وأخلاق وهنضيع لو سبنا الأمور كده بسلبية خليك ايجابى وحاول حتى لو الظروف صعبة هنقدر بس نتوكل على الله ربنا يحفظ بلدنا.