"كإنّك توب" قصيدة لـ"سعيد شحاتة"

سعيد شحاتة
سعيد شحاتة
أنا عاشقك كأنك توب
كأنّك أول الطالع وآخر حاجة فى المكتوب
كأنّى ذنوب بتستغفر فتغفرها ف هواكى ذنوب
أنا قلبى صبح وياكى قدّ قلوب
............. بقى على قدّك المطلوب
وجايز لو أمرتينى.. أقول لك قلبى صار دبدوب
وأقول لك ناوى لما أتوب أحطّ الساعة ع المكتب وأبوسك وَرد
وأدوس ع النار كأنّى بادوس تراب الأرض
وأردد وِرد روحى ف حضرتك أبيات
أنا اترددت قبلك ليه... وليه انتى اللى م السماوات
وليه قلبك آيات نازلة على قلبى البرىء بالذات
....................
أنا عاشقك كأنّى -وليد بيعشق أمّ-
............ كأنّى وريد وحبّك دمّ
كأنّك سطر شعر جميل
............. كتبته بروح خليّة نحل...
بعد ما نحلها حَمْحَم على الوردات وغنّى وشمّ
أنا عاشقك كأنّك يمّ للعطشان
كأنّك آخر الملكات وأنا السلطان
أنا عاشقك كأنى الجنّه وانتى الفاكهه والرمّان
كأنّى سفينة والربّان عنيكى الطيّبة الدافية
كأنّى بيتين فى دفتر شعر وأنتى الصورة والقافية
كأنّك ضحكتى الصافيه ف أراضى النور
كأنّك فرحه فى عيون البنات الحور
كأنّى الشاعر المبهور بسور عفاريتك المسحور
كأنّى البدر وأنتى ف ساعة الفجرية بدر بدور
أنا عاشقك وانا لمّا أتهبل واعشق -بأكون عصفور-
بأكون معذور إذا صمّمت واترجّيت عنيكى وصُمت
بأكون شاعر إذا اتكمّمت
وأكون أيتها شىء تانى إذا اتسحّب لسانى فى بقى واتكلّمت
أنا اتعلّمت ويّاكى إن أكون تانى
وأقف للريح إذا الريح كلها كانت معاندانى
وادوس ع المستحيل والحلم لو أحلامى مانعانى
-أنا المجنى عليه منّك- وأنا فى عيونك الجانى
وأنا اللى الدنيا فى رحابك ما زالت لسّه واحشانى
واحشنى النوم على دراعك
واحشنى الفرح فوق كتفك وطعم الخوف فى أوجاعك
واحشنى القلب لما القلب يصبح فى الهوى شراعك
ولما بتمشى وتحاول جناين دنيتى تساعك
أنا عاشقك كأنّى مريد فى أتباعك بعمّه وشال
كأنّى نهار غريب الشمس والأحوال
كأنى سؤال مالوش إجابات ولا مضامين
كأنّى غريب بيعشق طيف وماشى بيحسب الفدادين
كأنّك لما أتوه عنّك، شفايفك آخر العناوين
أنا عاشقك كأنّى يمين على عنيكى
كأنّى الورد فى إيديكي
كأنّى بانطلق فيكى
كأنّك قلتى مين ينفع
................. فجادت بيّا حواريكى
ودلّتنى عليكى بدون ما تدّينى الخريطه لقلبك النعناع
أنا عاشقك يا بنت جنينة البنور وجاى م القاع
كإنى سألت كلّ الناس ودلّونى
..................... ومدّونى بخطاوى وساع
كأنّى سألت أحلامك
........................ فكان العشق بالإجماع
وحاسس لمّا حبّيتك بقلبى أوساع
............. وأصبح قدّ قرص الشمس والمعنى
.......................................... بقى يساعنا
أنا قلبى صبح وياكى قدّ قلوب
............. بقى على قدّك المطلوب
وجايز لو أمرتيني.. أقول لك قلبى صار دبدوب
وبطّل لما علّمتيه... يحدّف فى الحاجات بالطوب
Google News تابع آخر أخبار اليوم السابع على Google News

Trending Plus

اليوم السابع Trending

خالد دومة: العهد 3 .. صوت هابيل

خالد دومة: العهد 3 .. صوت هابيل الإثنين، 07 يوليو 2025 03:34 ص

الأكثر قراءة

الريال يتفوق على سان جيرمان فى تاريخ المواجهات قبل قمة مونديال للأندية

أوروبا تستعد بقوة للحرب العالمية الثالثة.. 5 دول تضع ألغاما على الحدود مع روسيا لتشكيل ستار حديدى قاتل.. "تخزين المعادن الحرجة" أحد الإجراءات وسط مخاوف من انقطاع الإمدادات.. وإقبال على شراء الملاجئ النووية

منتخب المكسيك بقيادة أجيرى يتوج بالكأس الذهبية بثنائية ضد أمريكا.. فيديو

ترامب: إيلون ماسك ينحرف تماما عن مساره ويتحول إلى كارثة حقيقية

أحمد أبو مسلم: اللاعب المصرى طماع.. ومصطفى محمد قريب من الأهلى بنسبة 80%


اعترافات المتهمين بالتنقيب عن الآثار بحثا عن الثراء فى بولاق الدكرور

136 ألف مشجع إجمالى جماهير مباريات الأهلى فى كأس العالم للأندية

جيش الاحتلال: استهدفنا موانئ الحديدة ورأس عيسى والصليف ومحطة كهرباء مركزية

سيف زاهر: الأهلى لديه عروض لـ3 لاعبين بمبالغ تتخطى المليار جنيه وإمام هيجدد

جيش الاحتلال الإسرائيلي يقصف مواقع تابعة لحزب الله في لبنان


أهم أخبار العالم والعرب حتى منتصف الليل.. غزة: نرفض الإدعاءات الأمريكية باستهداف مؤسسة الإغاثة الإنسانية.. إيران: عدوان إسرائيل يحمل عواقب وخيمة على السلام عالميا.. ترامب يريد الاتفاق مع نتنياهو على إنهاء الحرب

أيمن الشريعي: عبد الناصر محمد عليه فلوس "سُلف" لإنبي لابد من تسويتها

بيراميدز يرد على شائعات الصفقات: مصلحة الفريق فوق كل اعتبار وسياستنا التعاقدية ثابتة

الأهلى يضع الرتوش الأخيرة على صفقة ضم ياسين مرعى من فاركو 5 مواسم

عبد الناصر محمد: أعمل بكامل طاقتى مع الزمالك ولا أعلم مغزى تصريحات رئيس إنبى

إبراهيم حسن يوقع للقناة فى صفقة انتقال حر

صحتك بالدنيا.. اعرف حقيقة أشهر 10 خرافات عن "السكر".. دراسة تؤكد: ممارسة الرياضة بعد التعافى من السرطان تمنع تكرار المرض.. تحذيرات بريطانية من متحور كورونا الجديد "ستراتوس".. وأعراض "الكوليسترول" لدى الأطفال

كواليس نهاية علاقة الهلال السعودى مع حمد الله بعد مشاركة 15 دقيقة فقط

رئيس الوزراء: مصر ترفض أي خطط لتهجير أو نقل سكان غزة بعيدا عن وطنهم

الشوارع لن تنسى شيكابالا.. صفحة كأس العالم تعلق على اعتزال الأباتشي

لا يفوتك


المزيد من Trending Plus
Youm7 Applcation Icons
اليوم السابع اليوم السابع اليوم السابع اليوم السابع اليوم السابع اليوم السابع هواوى