فتحى قريش يكتب: هاخد بتارى

وحياة دموعى اللى ما فارقت يوم عيونى
لاخد بتارى م اللى باعونى وجرحونى
كل دمعة ليها حق بإيدى هاخده
ولو قلبى حن ولا رق مش ها هودوه
**********
مش هسامح أى جارح غير ملامحى
هاخد بتارى وارد اعتبارى واداوى جرحى
هاخد بتارى والزمن شاهد عليا
هى كلمة وقولتها وأيامنا جايه
ليا حق مش هفرط فيه وأسيبه
ومهما طالت الليالى هاصبر وأجيبه
كل دمعة ليها حق بإيدى هاخده
ولو قلبى حن ولا رق مش ها هودوه
**********
ياللى ابتديتوا بالجراح وبجرحكم قفلتو بابى
لازم تدوقوا م اللى دوقته ف ليل عذابى
وزى ماهنت أنا فى يوم عليكوا
أكيد هيجلكوا يوم عشان تهونوا
وإن كانت جراحكم ليها تمن عامل حسابى
كل دمعة لها حق بإيدى هاخده
ولو قلبى حن ولا رق مش ها هودوه