كواليس البريك دانس من الشوارع الخلفية.. فن حر لا يعترف به المجتمع

فى الأحياء الهادئة فقط يمكنهم إطلاق العنان لفن من نوع خاص، نوع من الرقص يذكرك بأفلام أجنبية نجحت نجاحاً واسعاً عن شباب يقومون برقص "البريك دانس" والهيب هوب" فى الشوارع الجانبية والحوارى الضيقة، وهو ما اختار مجموعة من الشباب من أصحاب هذه الموهبة ممارسته فى شوارع المعادى الجانبية، اجتمعوا من أماكن مختلفة على هواية واحدة فى مواعيد ثابتة لممارسة الرقص فى الشوارع دون الالتفات لرأى المارة وتعليقاتهم التى تصل إلى عبارة "شوية عيال لا مؤاخذة" أحياناً .
"البريك دانس" هو اسم الرقصة التى يعرفها كل من يتابع الأفلام الأجنبية والرقصات الغربية، وبرامج المسابقات الشهيرة، ولكن حدود معرفتها فى مصر محدودة، ودائماً ما تقابل بالهجوم والنظرة السيئة، وهو ما وضحه "عبد الله على" واحد من ضمن مجموعة الراقصين، وقال "زى ما شفتونا فى الشارع بدأت الرقص برضه فى الشارع" تحدث صاحب الـ19 عاما عن حكايته مع البريك دانس، الذى شاهده لأول مرة فى الشارع بالصدفة، وقال "وأنا فى 2 ثانوى، بعد درس الكيمياء، لاقيت شباب بيعملوا حركات، عجبتنى وقربت منهم وبدأت أقلدهم فى البيت، ولاقيت نفسى بعملها بسهولة، بعد كده قالولى إن اسمها رقص نيجر، لكن لما انتشرت عرفت ان اسمها بريك دانس".

"الحكومة مش عاوزة تعترف بينا، ومحدش قالنا سبب معين" بهذه الكلمات أوضح عبد الله واحدة من أبرز المشكلات التى يعانى منها راقصو البريك دانس، خاصة أن الجهات الحكومية رفضت إعطاءهم أى أوراق رسمية، ليتمكنوا من المشاركة فى المسابقات الدولية بشكل رسمى، وأضاف "البلاد العربية زى الجزائر والمغرب وكل دول العالم موجود فيها الاتحاد الرياضى للبريك دانس، احنا ايه اللى ناقصنا عشان يبقى عندنا اتحاد".

"يوسف كمال" عضو آخر من مجموعة المؤديين لهذه الرقصة تحدث عن تجربته وعن تاريخ البريك دانس فى مصر قائلاً: "رقصت وأنا فى 3 إعدادى، والرياضة دى فى مصر من التسعينات".

وأضاف "احنا فى مصر نعرف النوع الرقص ده من التعسينيات وكان الشباب والبنات بيرقصوا فى الشارع وفى الجناين فى إسكندرية، وشبرا، وحلوان، والناس متخيلة إن دى حاجة جديدة، والحكومة مش عارفة حاجة عن تاريخ الرياضة دى أصلاً، ومحدش فكر يسأل".

وعن عدد راقصى البريك دانس فى مصر قال "عددنا فى مصر 400 راقص تقريباً وفى أكثر من 30 بنت بس طبعاً المجتمع مش سايبهم"، وأشار يوسف إلى أن الشباب فى مصر تعرفوا على البريك دانس من خلال فيلم، واشتركنا فى مسابقة فى 2011 اسمها وعندنا مسابقات فى قصر البارون "بس كله مش رسمى"Red Ball BC one “Step up”.

واستمراراً لمشكلات راقصى البريك دانس، قال مصطفى حمدى طالب بالصف الثانى الثانوى "احنا لسة صغيرين وبنتعلم وإن شاء الله هنشتغل، لكن فى ناس البريك دانس ده أكل عيشهم، احنا عاوزين اتحاد ومسئول يجى يشوفنا الأول وبعدين يحكم"، وتساءل "هل حد من الحكومة يعرف أحمد عنتر الشهير بـ كلاش الذى حصل على المركز الثانى على مستوى الوطن العربى فى البريك دانس".

موضوعات متعلقة..

الرجالة اتجننوا .. أحمر وأصفر وأخضر وفوشية صبغات الشعر الرجالى فى 2016