بالفيديو.."خدوهم فقراء يغنيكم الله".. المصريون يعيدون النظر فى تكاليف الزواج بعد "جنون الدولار": "هنخفف الشروط ونساعد العريس فى الجهاز نظرا لصعوبة الظروف الحالية".. والعروس: هشتغل وهساعده ونشيل بعض

فى ظل ارتفاع سعر الدولار، ارتفعت أسعار السلع كافة فى مصر.. "اليوم السابع" رصد آراء المواطنين فى الشارع عن تأثير هذا الارتفاع على مدى تنازل الأهل ومعاناتهم للشاب الذى سيتقدم إلى خطبة بناتهم، هل سيوافق أهل العروس على مساندة العريس حتى إتمام الزواج؟ وهل ستقف العروس بجانب العريس حتى النهاية؟

هذا ما رصدته "فيديو 7" قناة "اليوم السابع" المصورة، وتحدث من خلالها أحمد كامل يعمل محاسب، قائلا "إنه فى ظل هذه الظروف لابد من التسامح فى كل شىء وخاصة أمور الزواج، مشيرا "الظروف صعبة على الناس كلها، فلازم نقدر ظروف الشباب فى الفترة دى، يعنى هكلف عريس بنتى أكثر من طاقته إزاى وكل البلد بتشعر بالضيق، فلازم أقف جنبه وأساعده".


أما سلامة أبو زيد يعمل مهندسا زراعيا قال "ظروفنا كلنا صعبة بسبب ارتفاع الأسعار، فلازم نشيل شوية وهو يشيل شوية عشان الدنيا تمشى".

جمال عبد الله يعمل فى الأعمال الحرة يرى أن الزواج لابد وأن يكون به توافق وتكامل بين الطرفين هذه الأيام، و"إذا تقدم الشاب للزواج هيظلم نفسه وهيظلم البنت"، وتابع جمال أنه إلزاماً على الشاب أن يحدد موقعه وهدفه وما هى الخطوة التى سوف يبدأ منها، للأسف الكل الآن مظلوم سواء البنت أو الشاب، حسب تعبيره.

"إيمان" تعمل موظفة فى إحدى الشركات الخاصة قالت "إذا كنت بحبه مش عاوزة حاجة خالص، لكن لو هتجوز جواز صالونات هقطم وسطه زى مابيقولوا".

أما أية جمال فرفضت الارتباط بأى شاب إمكانياته ضعيفة قائلة "لا ولو بحبه هخدوا ونسافر نشتغل بره ولو الدنيا مانفعتش خلاص حرام نتجوز ونخلف وفى الآخر نظلم عيالنا، خلينا قاعدين كده أحسن".

وقالت سارة موظفة بوزارة الزراعة "مادام الإنسان كويس وواثقة أن فى طموح وأخلاق ودين هستحمل مع الظروف الصعبة لأنها علينا كلنا مش عليه هو بس".

رغم الفقر وبساطة عمله إلا أنه يرى الأمور بشكل مختلف عن سابقيه، قال خالد "عامل نظافة" أهم حاجة يكون عنده دين ويعاملها معاملة حسنة مش هطلب منه حاجة، لكن لو حكمت رأيى هأعد بنتى جارى، وكمان مش لازم ندقق فى المطالب زى الدهب لو معاه يجيب ولو مش معاه بلاش وهقوله حاجة واحدة لا تسألنى جبت إيه لبنتى ولا هسألك عملت إيه فى شقتك".

سعد بدوى بالمعاش تجدث لـ"اليوم السابع" "لو بيحبوا بعض مش عاوز حاجة وهساعدهم بكل إمكانياتى، ومش هسأله على أى حاجة فى الزمن ده ماينفعش أسأله معاك إيه أى حاجة يعيشوا بها المهم يعيشوا سعداء".

منة الله عاطف طالبة فى المرحلة الجامعية قالت "إن الشباب فى الفترة الحالية فكرهم خالى من الطموحات لكن لو وجد شاب طموح أكيد هوافق ومش هشترط ".

وقالت "سلوى" تعمل موظفة إن أزمة الدولار الموجودة حاليًا أدت إلى ارتفاع الأسعار والوقوف بجانب البلد والحكومة شىء أساسى فما بالنا بالوقوف جانب الشباب، مضيفة " ازم كلنا نقف مع البلد ؛ الماديات فى الجواز بتكون رقم 2 المهم الأخلاق لازم كلنا نقف مع بعض".


" الحياة الحالية مش هتخلى أى بنت تقبل هتقول عاوزة زى غيرها "هذا ما تراه كريمة عبد الله ربة منزل حيث قالت "لو على أيامنا زمان أنا هقبل لكن بنتى على حياتها دلوقتى مش هتقبل" .

إيهاب يوسف محامى يرى أن أهم شىء فى هذا الزمن الأخلاقيات، حيث قال "يعنى يراعى ربنا وأنا مش هدقق معاه مش هقول هات كذا وكذا هساعده بمقدرتى المهم هى توافق عليه وهو يراعى ربنا فيها".

أما نهلة صبحى طالبة فى المرحلة الثانوية فقالت "أيوة طبعاً هوافق بابا بدأ من الصفر وهو مثلى الأعلى فمش ممكن أعترض، وطبعاً لازم أساعده، إأن شاء الله هكون دكتورة وهشتغل وهساعده".

"خدوهم فقراء يغنيكم ربنا..أهم حاجة يكون الشاب متدين"، هكذا قال محمد عبد الله يعمل أخصائى اجتماعى، مضيفا "لكن البنات بيبصوا لبعض عشان كده مش ممكن ألغى الشبكة خالص لازم تكون فى حته منها".

أما محمد الشريف مدرس إنجليزى قال "المهم يكون إنسان كويس وخلاص كلها شكليات، هساعده ومش هسأله على حاجة وهقف جنبه كمان" .

وتقول صفاء تعمل موظقة بوزارة الصحة "إنها توافق على زواج ابنتها من شاب إمكانياته ضعيفة "المهم يتقى ربنا فيها".

أما أحمد محمود من أسوان فقال "المفروض الناس تتراجع عن المغالاة فى الزواج يعنى مش هشترط لا فى الشبكة ولا العفش ولا حاجة خالص لازم نقف جنب الشباب لحد ما مصر تعدى أزمتها ".

موضوعات متعلقة..

د.إيمان رفعت المحجوب تكتب: هل هناك عقد دينى بين مختلفى الديانة؟ الزواج فى الإسلام عقد مدنى بشروط حسب رغبة كل زوجة ومن حق الزوج القبول أو الرفض.. وتلك شريعتنا من شاء يتبعها ومن لم يشأ يفعل ما يريد