"لو كنت سواق ميكروباص" الأكثر تداولاً على تويتر.. مغرودون: حنعمل ميكروباصات للبنات بس.. وروبرت لجمع الأجرة ونزول المحطات بالواتس آب .. ومنير بديلاً عن أغانى أحمد شبية.. ويؤكدون:" حنركب ولاد قدام عادى"

"لو كنت سواق ميكروباص"، هاشتاج احتل قائمة الأكثر تداولاً على موقع التواصل الاجتماعى توتير، حيث عبر المغردون عن آرائهم فى حال عملوا سائقين على الميكروباص، والذى يعد من أكثر وسائل المواصلات استخداما من قبل المواطنين.

الكرسى الأول للرجال أيضا .. وميكروباصات للبنات وبس

فيما يعد ظاهرة ورصداً لسلوك بعض سائقى الميكروباص، عادة ما يكون الكرسيان المجاوران للسائق محجوزين للبنات والسيدات، لذا علق أحد المغردين" الحلوة تركب معايا والوحشه فى الميكروباص اللى ورايا "، بينما قال آخر " هسيب الكرسى الى جمبى فاضى لحد ما اشوف بنت حلوه واركبها جمبى والبس النظاره السوده واشغل مصطفى كامل".

بينما جاءت العديد من التغريدات الأخرى معارضة لتلك الظاهرة السلبية، " كنت هركب ولاد قدام جنبى مش هحجز الكرسى الى قدام للبنات بس"، بينما انتقدت ريهام ما يحدث فى الميكروباص من تحرش وقالت " هخليه للبنات بس علشان تعرفى تقعدى براحتك ومتخافيش من اللى جمبك " ، نفس الكلام قالته ملك فى تغريدتها "حيكون للبنات فقط بدون شباب ووجع راس " .

التكنولوجيا والميكروباص

من جانب آخر اقترح العديد من المغردين استخدام العديد من الوسائل التكنولوجية الجديدة ، حيث قال المغرد طيارة ورق: " هعمل واى فاى وسرعة ان ليمتد "، بينما قال المبرمج محمد ناصر :"هبرمج الميكروباص على اللى انا عايزه واعمل روبوت صغير يلم الاجرة وبيشتغل بالطاقة الشمسية" ، بينم قال باسم جودة " كنت هجيب موبيل فيه واتس اب لكل راكب لما يحب ينزل يبعتلى هوا نازل فين علشان ميقوليش على جنب يا سطى ".

" منير " بدلا من " أحمد شبية "

بينما قال أحد المغردين ويدعى أحمد" هروح فى المحطات الزحمة ، واشغل منير وأعيش اللحظة ، وأنا ماشى بغيظ الناس" ، فيما قالت زينب ناجى:" حنشغل الأغانى الرومانسية الهادئة واركب اى شاب حلو بس الوحشين لا ".