عمرو سلامة: فيديوهات برنامج Saturday Night Live بالعربى المسربة الأكثر انتشارا

قال المخرج عمرو سلامة، إن فيديوهات برنامج Saturday Night Live بالعربى المسربة، أكثر فيديوهات اتشيرت وانتشرت على الإنترنت من ساعة برنامج "البرنامج".

وكتب عمرو سلامة منشورًا على صفحته الرسمية على موقع التواصل الاجتماعى "فيس بوك"، قائلا "الشباب اللى بيديروا النشاط الإلكترونى لبرنامجنا Saturday Night Live بالعربى لسه باعتينلى خبر فرحنى، الفيديوهات اللى نزلت من البرنامج لحد دلوقتى هى أكثر فيديوهات اتشيرت وانتشرت لبرنامج، من ساعة برنامج "البرنامج" اللى كان استثناء فى تاريخ الإعلام العربى".

وأضاف "أن البرنامج بيعرض على قنوات مشفرة والفيديوهات كلها مسربة وبتنزل بشكل غير شرعى، وبدون ما يتصرف عليها دعاية أو حتى نشر من صناع العمل، بالعكس بنقفلهم أول بأول، المهم أن حتى مع سعادتى بالخبر ده أنا لسه شايف إننا بنتعلم من كل حلقة، وبنعمل كل مجهودنا علشان الموضوع بتطور ومستواه يطّلع لفوق وعلشان نكون على نفس قدر جودة البرامج الكوميدية اللى موجودة دلوقتى وأنا شخصيا بحبها.

واختتم منشوره موجها الشكر لكل طاقم عمل البرنامج ومنتجيه على مجهودهم والنجوم اللي شرفوا البرنامج كضيوف.

موضوعات متعلقة..

- بالفيديو..منى زكى تظهر بالحلقة الثانية من Saturday Night Live بالعربى

- برنامج "Saturday Night Live " بالعربى يوجه التحية للزعيم

- آسر ياسين يهنئ عمرو سلامة بتصوير أولى حلقات برنامجه الجديد