وائل رياض: يمكن استخدام "المدرجات" فى مخاطبة العالم الخارجى

انتقد وائل رياض "شيتوس" لاعب الأهلى السابق، ومدرب الإنتاج الحربى، عدم اهتمام المسئولين المصريين بأهمية الكرة والمدرجات فى عودة السياحة مرة أخرى، مقارنا بين ما فعله البرلمان الأوروبى بقرار لجميع الأندية الإيطالية أن تحمل الجماهير تحمل لافتات تكتب عليها اسم الطالب الإيطالى.

وكتب "شيتوس" عبر حسابه الشخصى على فيس بوك: "عايز أتكلم عن قضية الطالب الإيطالى ريچينى بس من منظور ملوش دعوة بالقضية أصلاً، لما البرلمان الإيطالى يطلع بقرار لجميع الأندية الإيطالية فى دورى الدرجة الأولى ودورى الدرجة الثانية إن كل الجماهير تحمل لافتات تكتب عليها اسم الطالب الإيطالى، يبقى الناس دى عارفة أهمية الكرة وأهمية الجماهير وإن الكرة والجماهير هى عنوان وواجهة الشعوب، وتبقى الناس دى فاهمة يعنى إيه كرة قدم ومش بيتعاملوا معاها بتفاهة".

وأضاف شيتوس: "لكن لما أنت تبقى رافض تأمن الماتشات رفض قاطع، ولما أنت بتتعامل مع الرياضة بصفة عامة ومع الكرة بصفة خاصة بتفاهة وإنها حاجة ثانوية، يبقى مستحيل نتقدم خطوة، لا واللى يجننك أكتر ان انت قاعد تنادى بعودة السُياح وعودة السياحة وأنت مش عايز تأمن ماتشات الدورى بتاعك اللى ممكن المدرجات دى تبقى منبر للافتات مخاطبة سياح العالم كله".

وتابع شيتوس: "أنا عارف ان هيطلع واحد يقولى طيب ماهو ممكن المدرجات تستخدم لشتيمة مسئولين أو كده، هقوله يا سيدى اللى يغلط يتحاسب اللى يتجاوز يتعاقب وبعدين دى شغلتك، يا جماعة الكرة والرياضة لغة الشعوب وحاجة مهمة جداً، وأديكوا شايفين إيطاليا بتعمل إيه مع الكرة فى حاجة حصلت ملهاش دعوة بالكرة ولا بالرياضة أصلاً ".

موضوعات متعلقة

روما يرفض إقحام محمد صلاح فى أزمة "ريجينى"