أحمد شديد قناوى يروى لحظاته الأولى مع الساحر البرتغالى "جوزيه" فى الأهلى

روى أحمد شديد قناوى، لاعب الأهلى والمصرى السابٌ، وطلائع الجيش الحالى، لحظاته الأولى فى القلعة الحمراء، ومسيرته مع الساحر البرتغالى مانويل جوزيه المدير الفنى الأسبق للمارد الأحمر.

قال شديد قناوى: "كنت لاعب فى نادى المنيا، ورئيس النادى قالى أنت رحت الأهلى، ولقيت ضياء السيد المدير الفنى لناشئ الأهلى كلمنى، وكنت فرحان جداً، وبعد فترة مانويل جوزيه طلب باك شمال، فقرروا يصعدونى، وفى أول لعبتها مع الفريق الأول كان مانويل جوزيه مايعرفنيش ولا يعرف اسمى، لكنه قال لى اللعب براحتك وبهدوء، ونجحت فى إحراز هدف، وظهرت بمستوى جيد، وبعد اللقاء ثابت البطل قال لى أنت موجود معانا، وبكرة تكون فى التمرين الساعة 7 ونصف بالظبط".

أضاف لاعب الأهلى السابق خلال حواره مع الإعلامى مدحت شلبى، فى برنامجه "مساء الأنوار" عبر شاشة "أونت ى في": "كنت اللاعب الوحيد اللي بيجى قبل التمرين بثلاث ساعات، وكنت بغيير فى غرف ملابس الناشئين، ومانويل جوزيه شافنى قال لا يغير مع اللاعبين الكبار، وكنت أول ماتش رسمى أشارك فيه كان عندى 18 سنة، فى نهائى إفريقيا أمام الصفاقسى التونسى..والفرصة جاتلى بعد ما طارق السعيد تعرض لاصابة، ومانويل جوزيه سألنى تعرف تلعب فى ماتش زى ده؟..وقالى مش عايزك ترد دلوقتى أطلع أقعد مع نفسك نص ساعة فكر بعد كده رد على".

أردف شديد: "اللاعبين كلهم قالو لى دى فرصة عمرك، فيما عدا بركات الذى قال لى لو لعبت وغلطت هتكون نهايتك فى الأهلى..وبعد نصف ساعة نزلت وقولت لمانويل جوزيه أنا هلعب وهكون أحسن لاعب فى المباراة، وبالفعل بقيت أنا الوحيد اللي متألق فى المباراة، والخواجة بعد الماتش قال مكسبنا فى المباراة أحمد شديد، وطلعته فى الدقيقة 80 علشان ياخد تحية الجمهور، وأرد على الانتقادات اللي أتعرضت لها بسبب الدفع بناشىء".

تابع أحمد شديد: "وفى لقاء العودة كان عنده ثقة كبيرة فيا، ولعبت وكسبنا بهدف أبو تريكة العالمى، وكملت فى الأهلى 4 سنوات، قبل الانضمام للمصرى البورسعيدى، ثم العودة للأهلى مرة أخرى، وحصدت 20 بطولة مع المارد الأحمر".

موضوعات متعلقة..

طلائع الجيش يهزم حرس الحدود بهدف شديد قناوى