سالم المراغى يكتب: حرايق

حرايق
وحكايتك يا قلبى
حكاية كل عاشق
متأسف يا هانى
أنا وقتى مش أغانى
أنا همى جرح تانى
عايشين زمن الحرايق
وعدونا مننا فينا
جهده يسرق أمانينا
أو بسمة وطمأنينة
واحد لذيذ ورايق
إرهابى لكنه عايق
الندل ما يختشى
الخاين المرتشى
بوجعنا منتشى
سكران لكنه فايق
أشعل له كم حريق
وقطع له كم طريق
وكل يوم حريق
والفرق يا دوب دقايق
مع فكر جهنمى
له ماضى وله سوابق
ثائر طبعه غريب
فى الكدب أو التسريب
وفى تغيير الحقايق
إخوان ومسلمين
لكنهم خوارج
يرهبوا ومكبرين
وجهاد الله يعين
بيرخموا ع الخلايق
شركاء لنا فى الوطن
بيقولوا إخوة وشقايق
ومرشدهم لعين
عايش بينا ومعانا
لكنه مع الدواعش
يولع كم حريق
يطفش فى الصديق
ومع العدو الغريب
تلقاه هيمان وعاشق
يتقمص دور هابيل
يحرق فى جنح ليل
ولا همه مكتبة
ولا دار حفظ الوثايق
عامل له مندبة
فى تضييع الحقايق
يضحك ويبتسم
ويحضنك ويعانق
متوضيين وكرما
ويفكروك ببورما
وأحوال ناس تضايق
أحوال للمسلمين
فى الغرب وفى المشارق
وناس كتير تانيين
فى الدنيا والخلايق
عايشين زمن الحرايق
وأكيد حلى الوحيد
الناجز والأكيد
عشان الإرهاب يفارق
إسكات صوت الرصاص
يسكت صوت البنادق
تطبيق حد القصاص
والإعدام والمشانق