أحمد إبراهيم يكتب: هدفنا فى الحياة

كل هدفنا فى الحياة
نسعى لمنصب أو للجاه
عشان الدنيا مش لله
مين راضى باللى معاه

الفساد بقى مالى الأرض
أهملنا السنة كمان والفرض
ليه المال بقى كل حياتنا
عايشين ليه بالطول والعرض

لو عرفنا الله على حق
كنا رضينا وحمدناه

كل هدفنا نكون عايشين
نسينا كمان إيه هوه الدين
ليه الدنيا بنجرى عليها
طب من الآخرة هنهرب فين

إحنا نسينا إننا هنموت
ماشين ليه فى طريق مسدود
أدامنا العمر أوام بيفوت
هيزول كل شىء موجود