آخرة صبرهم.. مصور يصالح الجوزائيين بصور مجانية غدا فى شارع المعز

بعد حفلات "القلش" والتحفيل على مواليد برج الجوزاء خلال الأيام الماضية، ومع بداية أيام الشهر المخصص، خرجت أخيرا مبادرة للشد على أيديهم ومصالحتهم بطريقة خاصة، وعبر صور مجانية غدا فى شارع المعز لدين الله الفاطمى.

دشن المصور محمد عرفات فعالية على موقع التواصل الاجتماعى فيس بوك باسم "يوم تصوير مجانى لأصحاب برج الجوزاء احتفالا بأعياد ميلادهم".

وكتب "بعد كل الاضطهاد من باقى الأبراج للجوزائيين والتريقة عليهم قررت أقدم لهم هدية فى أعياد ميلادهم وأصورهم مجانا صور حلوة فى مكان كلنا نتجمع فيه مع بعض ونقضى يوم مختلف كله تصوير ولعب"

وتابع، " هنتجمع الساعة 9 الصبح يوم الجمعة 3 / 6 / 2016 فى شارع المعز لدين الله الفاطمى وهو أقدم شارع فى التاريخ ومكان أثرى هستناكوا نتصور وننبسط كلنا".

وحاز الإيفينت على إعجاب الكثير من المدونين وخاصة أصحاب برج الجوزاء، وقال أحد المدونين "أخيرا حد ظهر بيفهم مش زى الناس دايما مضطهدين البرج عاش الجوزائيون".

موضوعات متعلقة..

- 5 حاجات لازم تعرفها لو صاحبك برج الجوزاء.. "ربنا معاك"