هيثم الحريرى للحكومة: ربنا يكفينا شرك.. الناس مش عايزة زيادة بس مترفعوش الأسعار

واصل النائب هيثم الحريرى، هجومه ضد الحكومة، فى كلمته باجتماع لجنة القوى العاملة المنعقد الآن، بحضور وزيرى المالية والتضامن الاجتماعى لمناقشة زيادة المعاشات، حيث قال: "معروف أنى ضد الحكومة وبرنامجها، وأثمن قرار رئيس الجمهورية الخاص بزيادة المعاشات".

ووجه "الحريرى" حديثه للوزيرين: "الناس مش عايزة من الحكومة زيادة ولا مليم، بس مترفعوش الأسعار وخفوا الضغوط على المواطن وفى حالة دى مش هيحتاج زيادات.. مش عايزين حاجة من الحكومة.. ربنا يكفينا شر الحكومة".

وتابع: "مع احترامى للوزراء لكن مسمعناش أفكار، هم جايين يقنعونا باللى رفضه المجلس امبارح وهو زيادة المعاشات 10%، ولكن المجلس صوت بالموافقة على الزيادة 15%، عرفونا إيه أفكاركم للزيادة".

وقال: "عايزين الدعم يروح لمستحقيه.. والحكومة مش عارفة تعمل ده علشان مش عارفة تعمل قاعدة البيانات..وعايزين نربط الوزارات لأنه يوفر كتير للدولة.. وهناك فرق بين الرغبة والقدرة.. ولو عندكم الرغبة نحققهالكم ولو مش عندكم القدرة مش عايز اتكلم علشان محدش يقول بيزايد"

موضوعات متعلقة..

وزيرة التضامن:323 جنيها حد أقصى لزيادة المعاشات..و940 مواطنا معاشاتهم عالية