شيكابالا يتعرض للقرصنة على الإنستجرام

تعرض حساب محمود عبد الرازق شيكابالا، على موقع التواصل الاجتماعى إنستجرام، للاختراق من قبل أحد الأشخاص، الذى يدعى أنه كان يرغب فى التقاط صورة تذكارية معه.

مخترق حساب شيكابالا يوجه رسالة للاعب

وجه مخترق حساب شيكابالا رسالة إلى اللاعب قائلاً: "كابتن شيكابالا الأكونت بتاعك معايا والله أنا مخدتوش علشان أعمل حاجة وحشة بيه والله أنا خدته علشان أنا عايز أتصور معاك ورحتلك لحد النادى كذا مرة وكنت أنت مستعجل ومخلتنيش أتصور معاك وكنت بكلمك ديراكت وكنت بتعمل سين ومبتردش مكنش قدامى حل غير كده".

مخترق حساب شيكابالا يعتذر عن القرصنة

وجه مخترق الحساب الشخصى لشيكابالا اعتذاراً إلى اللاعب قائلاً: "معلش على الطريقة بس أنا معملتش حاجة وحشة بالأكونت أنا مشكلتى كلها إنى أتصور معاك أو كنت رديت عليا على الدايركت على الأقل بايموشن كنت هفرح بيه بردو".

رسالة لشيكابالا بمنحه حسابه مرة أخرى

أنهى مخترق حساب شيكابالا رسائله إلى اللاعب قائلاً: "أنت مش حاسس بجمهور الزمالك التفاصيل البسيطة دى بتفرح ناس كتير أوى وبيحبوك أكتر بس والله أنا قصدى كان خير يا شيكا ومتزعلش الأكونت هيرجعلك بس متنساش الصورة.. بنحبك يا أباتشى".

يُذكر أن شيكابالا قد تألق فى المباراة الماضية أمام الاتحاد السكندرى، واستطاع قيادة الزمالك للتأهل إلى نصف نهائى كأس مصر بعد تسجيله هدف التعادل للفريق الأبيض وصناعته لهدف الفوز الذى أحرزه باسم مرسى.

أخبار متعلقة:

- رئيس الزمالك: "حلمى قالى نمشى شيكابالا قولتله متشيلنيش ذنب لاعب"

- بالفيديو.. شيكابالا على رأس 7 نجوم يرفعون شعار "أسطورة" الضربات الثابتة