وائل عبد الودود حسين يكتب : ليلة العيد

من بعد صيام وإفطار بعد الأذان
صلاة التراويح تقرب للرحمن
دعاء لله وقراءة القرآن
حب الخير بصدق وإيمان
لمة العيلة ساعة الفطار
ادعي وسمي صغار وكبار
مسلسل حلو يشد الانظار
مع احلى قطايف سخنة نار
مسحراتي واصحى يا نايم
أحلى سحور من عبد الدايم
ولسه بدري يا شهر الصيام
شهر الخير والرحمة والسلام
ما أحلاها ليلة العيد
ليلة فرح والحزن بعيد
الست تغني يا ليلة العيد
نفرح بصفاء في أهلا بالعيد

بلالين وعيدية ولبس جديد
الكل فرحان والكل سعيد
الكحك أبو سكر
بالعجوة حلو مسكر
بتي فور وبسكويت
الفرحة تعم على أهل البيت
ننزل نخرج نروح لجنينة
نشوف في كل حتة زينة
نركب مركبة في النيل
والقعدة تحلى عليه بالليل
ولمة العيلة والاصحاب
والكل يبقوا أحباب
نضحك ضحكة حلوة
وأطفال ترقص على غنوة
وأوعى تنسى تعيد على الناس
بكلام حلو فيه أحساس
وأمي تدعي لينا وتزيد

يا رب أيامكم كلها عيد
أجمل ذكرى في احلى عيد
يهل علينا والعمر مديد