على طريقة "هيبتا".. "مالناش إلا بعض" مراحل الحب الـ7 فى ألبوم رامى جمال

بعد النجاح العظيم الذى حققته رواية هيبتا "مراحل الحب ال7"، والفيلم المأخوذ عنها، اكتشفنا ألبوم يعد هيبتا الأغانى المصرية، وهو ألبوم رامى جمال الجديد، " مالناش إلا بعض" الذى يعبر عن الحب بمراحله المختلفة بدءا من اللقاء الأول وصولاً إلى الفراق .

1- الوقوع فى الحب

ارتبط السرحان فى أذهاننا بالحب، واعتدنا السخرية من السارح بأنه يحب جديد، وهذا ما عبر عنه رامى جمال فى أغنية "هالله هالله"حين قال "ماشى قاعد أتكلم مع نفسى، وخلاص بان من العنوان، مش برضة الحب يا ناس باين أوله بيجيب سرحان؟، هالله هالله، قلبي داب من نظرة من طلّة".

1-  مصارحة الحبيب

وبعد الإعجاب والوقوع فى الحب تأتى المصارحة فتقول للحبيب "تعلالى مش هتبعد عني حبيبى كتير، أنا حسيت كلام قولته ولا خبيت عليك حبى ".

2- الوعود

وبعد المصارحة بالحب تأتى مرحلة الوعود، وعبر رامى جمال عنها بأغنية" إوعدينى" فيقول لحبيبته" إوعدينى لو زعلتى مرة منى تعرفينى، لو جرحتك غصب عنى تحسسينى، ماتشليش جواكى حاجة تحكى ليا كل حاجة، لو فى لحظة زاد غرورى إشتكى لومى وثورى، بس إوعى فى يوم تروحى وتسيبينى "

3-  الارتباط بالمحبوب

وبعد الوعود تكتمل قصة الحب، وتتوج بالزواج أو الارتباط الأبدى رافعين شعار " مالناش إلا بعض"، ولسان الحال، " انت كل اللى عليك من النهاردة تسيب اديك، بعدى عنك برفضه والملايكة بيشهدوا، على اللي روحي حاسه بيه".

وفى شهر العسل، أو فى الفترة الأولى من الارتباط يقول للجميع " عرفتوا ليه كان قلبى ليها، عرفتوا ليه كان نفسى فيها، كانت مجرد حلم لعنيا، وفى يوم وليلة لمسته بإيديا".

4- بداية المشاكل

وبعد العسل يأتى البصل بتدخل الأهل والأصدقاء فى الحياة، فتأتى أغنية "خاصمنا بعض"، وتقول كلماتها " سمعنا كتير كلام الناس لحد ما جينا ع الإحساس، نسينا أن إحنا كنا زمان براحتنا، بالشكل ده مش هقدر أتحمل ولا هعرف أكمل، العند طول وإنت متغير عن الأول" .

5-  تكرار المشاكل

ونتيجة للخلاف تحدث فجوة بين الحبيبين، فيقول أحدهم " إزاى هنرجع وإحنا مش قادرين نبص فى وش بعض ".

6- الفراق وعذابه

لتجد فى العلاقة طرف يترك وآخر يتعذب ويطرح العديد من الأسئلة، فيقول " سايبلى فى بعده ألف علامة استفهام"، و " ياقلبى هتعمل إيه وبعديه وبعده هنشكى حالنا لمين" .

وبعد الفراق يعتاد الإثنين على البعد، وتنتهى قصة الحب،بـ" مات اللى فات ومستحيل يعيش تانى اللى مات"