إحالة طباخ قتل زوجة متعهد حفلات لسرقة مشغولاتها الذهبية بالطالبية للجنايات

أمرت نيابة حوادث جنوب الجيزة، برئاسة المستشار طارق جودة مدير النيابة بإحالة "أمير.م.أ"، طباخ المتهم بقتل زوجة متعهد حفلات بالطالبية، بعد أن سدد لها 39 طعنة نافذة فى مناطق متفرقة من الجسد وسرقة مبلغ 600 جنيه، ومصوغات ذهبية، إلى محكمة الجنايات.

جاء أمر الإحالة بعدما استمعت النيابة إلى أقوال زوج المجنى عليها "عمر.م" 23 سنة يعمل متعهد حفلات، فضلاً عن اعترافات المتهم التفصيلية وإجراء المعاينة التصويرية، وفور ورود تحريات المباحث النهائية حول الواقعة، وتقرير المعمل الجنائى والطب الشرعى حول جثمان المجنى عليها، وتوافر أدلة الثبوت.

وكان المتهم "أمير.م" قد اعترف فى تحقيقات النيابة، بارتكابه الجريمة متعلاً بالأوضاع المالية الصعبة التى كان يعانى منها والتى دفعته إلى سرقة شقة متعهد الحفلات الذى يعمل معه، وقال فى التحقيقات: انه انتظر خروج "عمر.م"_زوج المجنى عليه_، وصعد إلى شقته بهدف السرقة إلا أنه فوجئ بزوجته داخل الشقة، فقرر التخلص منها وسدد لها 39 طعنة نافذة حتى فارقت الحياة.

وأضاف المتهم: "فى الوقت اللى أنا مش لاقى فيه القرش كان متعهد الحفلات اللى أنا شغال معاه عامل عزومة كبيرة لكل العمال اللى شغالين معاه، لأن حالته المادية كانت مرتاحة وكان ظاهر عليه النعمة، ودا اللى خلانى أفكر فى سرقة شقته وانتهز فرصة العزومة اللى هيعملها بره البيت وأسرق الشقة، خاصة إنها هتكون فاضية ومفيهاش حد ودا هيسهلى فرصة سرقتها".

وتابع المتهم اعترافاته:"رحت عند البيت اللى ساكن فيه متعهد الحفلات واستنيته لحد ما خرج وبعدين طلعت للشقة، قلت قبل ما ادخل من خلال الشباك أتأكد الأول إن الشقة خالية، وضربت الجرس، لكن فوجئت بزوجته بتفتح الباب، ساعتها معرفتش أعمل إيه، وكان أول رد فعل ليا إنى دفعتها للداخل وكممت فمها، لكن لقيتها بتقاوم وبتصرخ، وظهر قدامى فجأة سكين مرمى فى الصالة، مسكتها وضربتها بيها فى صدرها، وبعدين محستش بنفسى وسددت لها أكتر من طعنة، لحد ما قطعت النفس وتوقفت عن الحركة".

واستكمل المتهم: "لما اتأكدت من وفاتها، استوليت على المصوغات الذهبية الخاصة بها، وفتشت فى الشقة لقيت 600 جنيه وخبيت السكين فى بنطلونى وهربت، وبعدين اتخلصت من السكينة بترعة المريوطية وركبت ميكروباص ورجعت لبلدى فى البحيرة".

وبإعداد كمين للمتهم تم القبض عليه، وبمواجهته اعترف بقتل المجنى عليها بهدف السرقة، وأرشد عن المصوغات الذهبية التى استولى عليها، كما اعترف بتخلصه من السكين المستخدم فى الجريمة بإلقائها فى ترعة المريوطية، فتم تحرير محضر بالواقعة، وأخطرت النيابة التى انتقلت لمناظرة الجثة، وأمرت بتشريحها والتصريح بدفنها، وباشرت التحقيق.