هبة عرفة تكتب: دبلة والسلام

دبلة فى أيدها ولابساها

بس الفرحة مش شايفاها

واحدة يمكن مش عارفاها

والكل بيبارك على أساها

والدمعة عايشة جواها

والكل بيرقص وياها

وهى الوحيدة اللى بعيدة

روحها شاردة

ضحكة باردة

نص حياة ومش واردة

أهى جوازة والسلام

عمر ضايع فى الكلام

أوعى يابنتى يدوسك قطرك

هى الدبلة قبل العلام

هى تاهت وكان قدرها

تنسى حكايتها ومين بطلها

هى حركها الهوى

وقلبها بالخوف ارتوى

حركوها بالخيوط

لابسوها توب مش توبها

خلوا كل أحلامها تسبيها

هى رضيت وكان نصيبها

عمر عدى والتانى فات

وروحها ماتت ومن سكات