تامر حسنى يشكر أحمد السقا وشريف منير ونجوم ستار أكاديمى على حضور حفله

حرص الفنان تامر حسنى على تقديم الشكر للفنان أحمد السقا والفنان شريف منير على حضور حفله على المسرح الرومانى فى الساحل الشمالى مساء أمس الجمعة.

وكتب تامر عبر صفحته الرسمية على " فيس بوك": "شكراً للنجم الكبير وصديقى الغالى أوى اللى شرفنى بحضوره وتقديمه ليا، الفنان أحمد السقا، كنا بنحلم وإحنا صغيرين بالوقفة دى وربنا كرمنا ووقفناها على أكبر مسرح فى مصر.. الحلم شىء مش مستحيل يا شباب".

وأضاف تامر: "صديقى الغالى المحترم شريف منير اللى كان حضوره ولعبه على الدرامز مفاجأة كبيرة لكل الناس وأنا أولهم، أحسنت يا نجم، ومن كل قلبى شرفتنى يا فنان يا راقى يا محترم".

وتابع تامر: "شكراً لأخواتى نجوم ستار أكاديمى نجوم مصر القادمين "شاهين، مينا، عباس، سراج، رنا، شيرين" وكان نفسى كلهم يكونوا موجودين بس البعض منهم كان مسافر وعنده شغل، حقيقى جيل محترم وأصوات رائعة تستحق الاهتمام ألف ألف شكر شرفتونى يا جيل يا عسل".

الفنان تامر حسنى يشكر أحمد السقا 

تامر حسنى يشكر جمهورة