خالد صلاح يوجه 10 أسئلة لـ"الحنجورية":"السيسى إللى منع الاستثمار ولا تعطيل العمل.. هو إللى جاب مرسى ولا الكفتجية.. هو إللى أهدر الرقعة الزراعية ولا حيتان الأراضى.. هو إللى رفع نفقات الأمن ولا الإرهاب"

وجه الكاتب الصحفى خالد صلاح، رئيس مجلس إدارة وتحرير "اليوم السابع"، 10 أسئلة "للحنجورية إياهم" المهاجمين باستمرار الرئيس عبد الفتاح السيسى، مؤكدا أن السياسيين فى مصر تاجروا بفقر الناس ليغتنوا هم فقط.

وكتب الكاتب الصحفى خالد صلاح، عبر حسابه الرسمى على "تويتر": "هو السيسى إللى منع الاستثمار وخرب الاقتصاد ولا تعطيل العمل وتحويل مصر لساحة مظاهرات كبيرة 4 سنين ورا بعض؟، هو السيسى إللى ضيع الاحتياطى الأجنبى ولا القوى السياسية إللى فشلت فى أى اتفاق بعد 25 يناير وسابت مصر فى فوضى شاملة".

وأضاف صلاح لـ"الحنجورية إياهم": "السيسى إللى عصر اللمون وجاب مرسى يكمل على خراب البلد ولا كفتجية السياسة إللى ركعوا للجماعة وسلموها رقبة مصر؟، هو السيسى إللى أفسد التعليم ولا انحطاط الأنظمة السابقة إللى أهملت البشر وأفسدت المناهج والمدارس والمعلمين؟.. هو السيسى إللى رفع نفقات الأمن بمزاجه ولا الإرهاب فى ليبيا وسيناء وحرق الكنائس وانهيار المنطقة بالكامل أمنياً".

واستكمل رئيس مجلس إدارة وتحرير "اليوم السابع"، أسئلته للحنجورية، قائلا: "هو السيسى إللى أهدر الرقعة الزراعية ولا الحيتان إللى بوروا الأرض وحولوها لمبانى بإهمال وتواطؤ النظام السابق؟.. هو السيسى إللى تسبب فى زيادة السكان ولا الجهل والغباء والفتاوى المريضة إللى حاربت تنظيم النسل 50 سنة بلا انقطاع؟".

وتابع صلاح: "هو السيسى إللى أفسد أوضاع شركات قطاع الأعمال ولا إللى خربوها وسرقوها فى 30 سنة وسابوها جثة مفيهاش أمل؟، هو السيسى إللى أفسد البنية التحتية فى المياه والكهرباء والصرف الصحى والطرق ولا إللى سرقوا مصر 100 مرة فى 30 سنة؟.. هو السيسى إللى هرب أمواله برة مصر ولا انتوا، السيسى حط نص فلوسه لتحيا مصر وبيكافح بموازنة ميتة ومحدش واقف جنبه".

وقال صلاح فى تعليق بعد أسئلته العشر" إن السياسيين فى مصر تاجروا بفقر الناس عشان هما بس إللى يغتنوا، الناس فقيرة من 100 سنة وإللى وعدوهم معملوش حاجة، دى أول مرة نشتغل بإيدينا وبجد".