بالفيديو والصور.. أب يعول 10 أفراد يطالب بـ"كشك وشقة غرفتين" بالجيزة

فى غرفة ضيقة تحتوى على سريرين، شكى هانى عبد الله فهمى، يقيم شارع عبد العزيز عبد السلام حى البراجيل الجيزة، قائلا "أنا ما بشحتش وﻻ بمد إيدى وأقول لله، أنا عايز شقة ولو غرفتين ووظيفة آكل منها أنا وعيالى، أنا عندى كوم لحم 9 أطفال وأمى عايشين فى غرفة واحدة، نصنا بينام على الأرض والنص التانى عل السرير، وبقالنا عدة أشهر مكلناش لحمة، لدرجة إننا نسينا شكلها، إحنا بنتفرج عليها بس فى التليفزيون".

أب يعول 10 أفراد يطالب بـ"كشك وشقة غرفتين" بالجيزة by youm7 

وأضاف هانى عبد الله: "كان عندى كشك مصدر رزقى والحى أخذه منى، وعندى 9 أطفال وأمى عايشين فى غرفة واحدة بالإيجار، وابنى ياسين 3 سنوات عنده نقطتين دم على المخ، وتأتى له رعشة فى يده ووجهه وقدمه كل 3 أشهر، وأكبر أبنائى عمره 9 سنوات، مافيش حد دخل منهم مدرسة، علشان مش معايا فلوس، نفسى فى كشك أصرف منه على عيالى".

أما الحاجة كلثوم عبد الله محمد، والدة هانى فقالت: "بعدما توفى ابنى الآخر فى حادث بكيت عليه كتير ونزلت على عينى مياه، وكشفت فى مستشفى الرمد، قالولى ﻻزم إجراء عملية، لكن لا أملك فلوس، وكل شوية المياه تزيد على عينى، والمفروض أعمل العملية من سنتين ومش عارفة أشوف وﻻ أمشى من عينى".

وناشد هانى محافظ الجيزة وأصحاب الخير والقلوب الرحيمة توفير كشك له وشقة غرفتين يعيش فيها مع أسرته، واستطرد: عندى مياه زرقاء على عينى الشمال وبيضاء على اليمين، ولم أقم بإجراء العملية وبشوف طشاش.

 للتواصل مع الحالة هانى عبد الله فهمى ت

01145168585

أسرة هانى عبد الله

هانى عبد الله فهمى

أسرة هانى عبد الله فهمى تعيش فى غرفة واحدة

الحاجة كلثوم عبد الله محمد

فى غرفة واحدة تجلس الأسرة على الأرض