قارئ يشارك صحافة المواطن بقصيدة "مسافر والسكة بعيدة"

شارك القارئ حسن المصرى خدمة "صحافة المواطن" بمقطوعة شعرية تحدث فيها عن مخاوفه من الموت والسفر وفراق الأهل والأصحاب.

مسافر والسكة بعيدة

وخايف يقابلنى الموت

مسافر والغربة مرة ودموعى يعلاها الصوت

مسافر وسايب أحبابى دى عشرة بقالها سنين

مسافر وسايب أصحابى ممكن سنة واتنين

هبقا لوحدى عايش

مش جايز ده شىء أكيد

مسافر والغربة صعبة وحلمى بقا عنيد

جايز تقابلنى بسمة ولو تكون كدابة

يمكن أسرح بنفسى وأوهمها إنى فى سعادة

وخايف تغلبنى عيونى وتمنع بسمتى

وتنزل دموع عينى وأدارى ضحكتى

جايز يكون الختام بس أكيد مخلصش الكلام

الغربة حاجة صعبة ميوصفهاش ولا ألف كتاب

واللى يقلك كلها سعادة قله إنت أكيد كداب

نص القصيدة

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.