الشاعر تامر حسين يوضح حقيقة خلافه مع تامر عاشور على أغنية جديدة

قام الشاعر تامر حسين بتوضيح حقيقة الخلاف مع الفنان تامر عاشور على أغنية جديدة، من خلال صفحته الشخصية على موقع التواصل الاجتماعى "فيس بوك"، قائلا: "تامر عاشور مسخن نص صحفيين مصر وبيقول خبر كوميدى جداً إنه شالنا من الألبوم أنا والمحلن إسلام زكى.. والواقعة دى أقسم بالله العظيم لا أساس لها من الصحة ويشهد محمد محسن جابر ابن الأستاذ المنتج الكبير محسن جابر إنى (رفضت رفض تام) أعمل التنازل وكان ليا شروط وده لا يسىء لشخص تامر عاشور".

وتابع الشاعر تامر حسين قائلا: "أنا محترم ومابغيرش الحقايق لما ماخدش مصلحتى يا تامر يا حبيبى أنا أكبر من إنك تنزل تصريح كوميدى زى ده، عيب أنا اشتغلت مع كل نجوم الوطن العربى مش حاتضيفلى والله كتير ومش حاحكى باقى التفاصيل عشان مايصحش تتقال فى العلن، ماتدخلناش فى ظروفك الإنتاجية ومشاكلك الشخصية، أنا نادراً ما برد على مشاكل تافهة بس كان لأزم أوضح الصورة وربنا يهديك كنت فاكرك أكبر من كده الحقيقة".

تعليق الشاعر تامر حسين